ഹരിപ്പാട്: എസ്.എൻ.ഡി.പി യോഗത്തിന്റെ പോഷകസംഘടനയായ ശ്രീനാരായണ എംപ്ലോയീസ് ഫോറം കാർത്തികപ്പള്ളി യൂണിയൻ സമിതിയുടെ ആഭിമുഖ്യത്തിൽ നടത്തിയ കരിയർ ഗൈഡൻസ് ആൻഡ് മോട്ടിവേഷൻ ക്ലാസ് എംപ്ലോയീസ് ഫോറം കേന്ദ്രസമിതി പ്രസിഡന്റ് എസ്. അജുലാൽ ഉദ്ഘാടനം ചെയ്തു. പ്രമുഖ വിദ്യാഭ്യാസ വിദഗ്ധനും യൂണിവേഴ്സിറ്റി റിസോഴ്സ് പേഴ്സണും ചേർത്തല എസ്.എൻ കോളേജ് എക്കണോമിക്സ് വിഭാഗം മേധാവിയുമായ ഡോ. ബി. സുധീർ ക്ലാസ് നയിച്ചു. ശ്രീനാരായണ എംപ്ലോയീസ് ഫോറം കാർത്തികപ്പള്ളി യൂണിയൻ പ്രസിഡന്റ് ബി. ആനന്ദരാജ് അദ്ധ്യക്ഷനായി. എംപ്ലോയീസ് ഫോറം കേന്ദ്രസമിതി ട്രഷറർ ഡോ.വിഷ്ണു മുഖ്യാതിഥിയായി. യൂണിയൻ പ്രസിഡന്റ് കെ. അശോകപണിക്കർ, സെക്രട്ടറി അഡ്വ.ആർ.രാജേഷ് ചന്ദ്രൻ, വൈസ് പ്രസിഡന്റ് എം.സോമൻ എന്നിവർ മുഖ്യ പ്രഭാഷണം നടത്തി. ഫോറം കേന്ദ്രസമിതി ജോ.സെക്രട്ടറി ദിനു വാലുപറമ്പിൽ സംഘടനാ സന്ദേശം നൽകി. ഫോറം കൊല്ലം യൂണിയൻ പ്രസിഡന്റ് ഗിരീഷ്, യോഗം ഡയറക്ടർ പ്രൊഫ. സി.എം.ലോഹിതൻ, പി.എസ്. അശോക്കുമാർ, ഡി.ഷിബു, കെ.സുധീർ, എംപ്ലോയീസ് ഫോറം വൈസ് പ്രസിഡന്റ് കെസന്തോഷ്‌കുമാർ ട്രഷറർ രതീഷ് കുമാർ,ജോ.സെക്രട്ടറിമാരായ ഗോകുൽ.ജി.ദാസ് എന്നിവർ സംസാരിച്ചു. എംപ്ലോയീസ് ഫോറം കാർത്തികപ്പള്ളി യൂണിയൻ സെക്രട്ടറി വിനോദ്.ജി സ്വാഗതവും വൈസ് പ്രസിഡന്റ് പി.എൻ.പ്രഭാകരൻ നന്ദിയും പറഞ്ഞു.