ചെങ്ങന്നൂർ : എസ്എൻ.ഡി.പി യോഗം ചെങ്ങന്നൂർ യൂണിയന്റെ ആഭിമുഖ്യത്തിൽ യോഗത്തിന്റെ പ്രഥമ ജനറൽ സെക്രട്ടറി മഹാകവി കുമാരനാശാന്റെ ഒരുവർഷം നീണ്ടുനിൽക്കുന്ന 150-ാംമത് ജന്മവാർഷിക ആഘോഷങ്ങൾ നാളെ തുടങ്ങുന്നു. ആഘോഷങ്ങളുടെ ഉദ്ഘാടനം ആത്മീയ പ്രഭാഷകൻ ഡോ.എം.എം.ബഷീർ നിർവഹിക്കും. നാളെ രാവിലെ 10 ന് യൂണിയൻ ബിൽഡിംഗിലെ സരസകവി മൂലൂർ സ്മാരകഹാളിൽ നടക്കുന്ന ആഘോഷ ചടങ്ങുകളിൽ യൂണിയൻ ചെയർമാൻ അനിൽ അമ്പാടി അദ്ധ്യക്ഷത വഹിക്കും. യൂണിയൻ അഡ്.കമ്മറ്റി അംഗങ്ങളായ കെ.ആർ.മോഹനൻ, എസ്.ദേവരാജൻ, ബി.ജയപ്രകാശ് തൊട്ടാവാടി, മോഹനൻ കൊഴുവല്ലൂർ, എം.പി.സുരേഷ് വല്ലന, അനിൽ കണ്ണാടി, യൂണിയൻ വനിതാസംഘം പ്രസിഡന്റ് ഐഷാ പുരുഷോത്തമൻ, സെക്രട്ടറി റീന അനിൽ, കോ ഓർഡിനേറ്റർ ശ്രീകല സന്തോഷ്, യൂത്ത്മൂവ്‌മെന്റ് യൂണിയൻ പ്രസിഡന്റ് ദേവദാസ് രവീന്ദ്രൻ, സെക്രട്ടറി രാഹുൽ രാജ്, വൈദികയോഗം യൂണിയൻ ചെയർമാൻ സൈജു പി.സോമൻ, കൺവീനർ ജയദേവൻ, ധർമ്മസേന യൂണിയൻ കോർഡിനേറ്റർ വിജിൻ രാജ്, സൈബർ സേന യൂണിയൻ ചെയർമാൻ പ്രദീപ് ചെങ്ങന്നൂർ എന്നിവർ സംസാരിക്കും. . മഹാകവിയെ ആസ്പദമാക്കിയുള്ള സിംപോസിയങ്ങൾ, കവിയരങ്ങ്, ചർച്ചകൾ, യുവകവികളെ ആദരിക്കൽ, കലോത്സവം സാഹിത്യസമ്മേളനം, ഉൾപ്പെടെ വിവിധങ്ങളായ പരിപാടികൾ യൂണിയൻ തലത്തിലും ശാഖാ തലത്തിലും വരുന്ന ഒരുവർഷക്കാലം ആഘോഷ പരിപാടികൾ സംഘടിപ്പിക്കുമെന്ന് യൂണിയൻ കൺവീനർ അനിൽ പി.ശ്രീരംഗം അറിയിച്ചു.