ചേർത്തല: എസ്.എൻ.ഡി.പി യോഗം കണിച്ചുകുളങ്ങര യൂണിയൻ യൂത്ത്മൂവ്‌മെന്റിന്റെ സമ്പൂർണ തിമിരമുക്ത ഗ്രാമം കാമ്പയിന്റെ ഭാഗമായി കല്ലാപ്പുറം 689-ാം നമ്പർ ശാഖയുടെയും യൂത്ത്മൂവ്‌മെന്റ് കമ്മിറ്റിയുടെയും നേതൃത്വത്തിൽ കൊച്ചിൻ ചൈതന്യ ആശുപത്രിയുമായി സഹകരിച്ച് നടത്തിയ സൗജന്യ നേത്ര പരിശോധന ക്യാമ്പ് എസ്.എൻ ട്രസ്റ്റ് ബോർഡ് അംഗം പ്രീതി നടേശൻ ഉദ്ഘാടനം ചെയ്തു. ശാഖ പ്രസിഡന്റ് എം.എസ്.കനകപ്പൻ അദ്ധ്യക്ഷത വഹിച്ചു. യൂത്ത് മൂവ്‌മെന്റ് പ്രസിഡന്റ് ടി.കെ.അനിൽ ലാൽ, വൈസ് പ്രസിഡന്റ് സഞ്ജു പോക്കാട്ട്,സെക്രട്ടറി ഷിബു പുതുക്കാട്,വനിതാ സംഘം വൈസ് പ്രസിഡന്റ് സുമ ഗോപൻ,ബിനു എന്നിവർ പങ്കെടുത്തു.യോഗത്തിൽ ശാഖ സെക്രട്ടറി സൈജു സ്വാഗതവും ധനുസിംഗ് നന്ദിയും പറഞ്ഞു.