ചെങ്ങന്നൂർ: എസ്.എൻ.ഡി.പി യോഗം ചെങ്ങന്നൂർ യൂണി​യനി​ലെ വൈദികയോഗം യൂണിയൻ വാർഷിക പൊതുയോഗം സംസ്ഥാന സെക്രട്ടറി പി.വി.ഷാജി ഉദ്ഘാടനം ചെയ്തു. വൈദികയോഗം യൂണിയൻ ചെയർമാൻ ഷൈജു ശാന്തി അദ്ധ്യക്ഷത വഹി​ച്ചു. ചെങ്ങന്നൂർ യൂണിയൻ കൺവീനർ അനിൽ പി.ശ്രീരംഗം മുഖ്യപ്രഭാഷണം നടത്തി. സംസ്ഥാന ജോ.സെക്രട്ടറി പവനേശ് ശാന്തി സംഘടനാ സന്ദേശം നൽകി. യൂണിയൻ അഡ്.കമ്മി​റ്റി അംഗങ്ങളായ കെ.ആർ.മോഹനൻ, മോഹനൻ കൊഴുവല്ലൂർ, യൂണിയൻ വനിതാസംഘം കോ ഓർഡിനേറ്റർ ശ്രീകല സന്തോഷ്, വൈദികയോഗം മുഖ്യരക്ഷാധികാരി രഞ്ജു അനന്ദഭദ്രത്ത്, വൈദികയോഗം യൂണിയൻ ജോ.സെക്രട്ടറി സതീഷ് ബാബു ശാന്തി എന്നിവർ സംസാരി​ച്ചു. വൈദികയോഗം യൂണിയൻ ഭാരവാഹികളായി സൈജു ശാന്തി (പ്രസിഡന്റ്), സജിത്ത് ശാന്തി (വൈസ് പ്രസിഡന്റ്), ജയദേവൻ തന്ത്രി (സെക്രട്ടറി), സതീഷ് ബാബു (ജോ.സെക്രട്ടറി) എന്നി​വരെ തി​രഞ്ഞെടുത്തു. യൂണിയൻ വൈദികസമിതി സെക്രട്ടറി ജയദേവൻ തന്ത്രി സ്വാഗതവും വൈസ് പ്രസിഡന്റ് സജിത്ത് ശാന്തി നന്ദി​യും പറഞ്ഞു.

കാപ്ഷൻ: എസ്.എൻ.ഡി.പി യോഗം ചെങ്ങന്നൂർ യൂണി​യനി​ലെ വൈദികയോഗം യൂണിയൻ വാർഷിക പൊതുയോഗം സംസ്ഥാന സെക്രട്ടറി പി.വി.ഷാജി ഉദ്ഘാടനം ചെയ്യുന്നു