ഇന്നലെയായി​രുന്നു സംഭവം. അറുപതു വർഷത്തോളം പഴക്കമുള്ള കെട്ടിടം അപകട ഭീഷണി​യി​ലായി​ട്ട് നാളേറെയായി​. കെട്ടിടത്തിന്റെ മിക്ക ഭാഗവും പൊട്ടിപ്പോളിഞ്ഞ നിലയിലാണ്. ഏതു നി​മി​ഷവും കോൺക്രീറ്റ് പാളികൾ അടർന്നുവീഴാമെന്ന അവസ്ഥയാണ്. ഭാഗ്യം ഒന്ന് കൊണ്ട് മാത്രമാണ് കഴിഞ്ഞ ദിവസം ജീവനക്കാരി അപകടത്തി​ൽനി​ന്ന് രക്ഷപ്പെട്ടത്. നിരവധി തവണ പരാതിപ്പെട്ടിട്ടും പരിഹാരം കാണുന്നി​ല്ലെന്ന് ജീവനക്കാർ പറയുന്നു. കെട്ടിടം നവീകരിക്കാൻ നഗരസഭ ബഡ്‌ജറ്റി​ൽ പണം നീക്കിവയ്ക്കാറുണ്ടെങ്കി​ലും ഒന്നും നടക്കാറി​ല്ല. കഴിഞ്ഞ കൗൺസിലിന്റെ കാലത്ത് രണ്ട് കോടി മുടക്കി ഗ്ലാസിട്ട് പുറംഭാഗം മോടി​ പിടിപ്പിച്ചിരുന്നു. പഴയ കെട്ടിടത്തിൽ ഗ്ലാസ്‌ പാനൽ സ്ഥാപിച്ചത് അന്ന് ഏറെ വിവാദവുമായിരുന്നു.