കൊച്ചി: ലയൺസ് ക്ലബ്‌സ് ഇന്റർനാഷണൽ ഡിസ്ട്രിക്ട് 318സിയുടെ നേതൃത്വത്തിൽ ഇടുക്കി മുരിക്കാശേരി സെന്റ് അൽഫോൻസ ആശുപത്രിയിൽ ലയൺസ് പീഡിയാട്രിക് കാൻസർ പാലിയേറ്റീവ് കെയർ- കരുതൽ ഉദ്ഘാടനം ചെയ്തു. കുട്ടികളുടെ കാൻസർ ചികിത്സയ്ക്കുള്ള പദ്ധതിയാണ് കരുതൽ. ഡിസ്ട്രിക്ട് ഗവർണർ വി.സി. ജയിംസ് ഉദ്ഘാടനം ചെയ്തു. ഇടുക്കി ബിഷപ്പ് ജോൺ നെല്ലിക്കുന്നേൽ, ഡിസ്ട്രിക്ട് കാബിനറ്റ് സെക്രട്ടറി സാജു പി. വർഗീസ്, കാബിനറ്റ് ട്രഷറർ സി.ജെ. ജയിംസ്, പ്രൊജക്ട് സെക്രട്ടറി ജോൺസൺ സി. അബ്രഹാം, കോ- ഓർഡിനേറ്റർ കുര്യൻ ജോൺ എന്നിവർ പ്രസംഗിച്ചു.