പറവൂർ: സംസ്കൃത പണ്ഡിതനും നന്ത്യാട്ടുകുന്നം എസ്.എൻ.വി സംസ്കൃതം സ്കൂൾ സ്ഥാപകനുമായ ഡോ. പി.ആർ. ശാസ്ത്രിയുടെ 24 -ാം ചരമ വാർഷികത്തോടനുബന്ധിച്ച് പറവൂർ എസ്.എൻ.ഡി.പി യൂണിയന്റെയും എസ്.എൻ.വി സംസ്കൃതം ഹയർ സെക്കൻഡറി സ്കൂളിന്റെയും പി.ടി.എയുടേയും സംയുക്താഭിമുഖ്യത്തിൽ ഇന്ന് അനുസ്മരണം നടക്കും. രാവിലെ സ്കൂൾ അങ്കണത്തിലെ പി.ആർ.ശാസ്ത്രിയുടെ സ്മൃതിമണ്ഡപത്തിൽ പുഷ്പാർച്ചന നടക്കും. പത്തരയ്ക്ക് അനുസ്മരണ സമ്മേളനം കെ.എൻ. ഉണ്ണിക്കൃഷ്ണൻ എം.എൽ.എ ഉദ്ഘാടനം ചെയ്യും. എസ്.എൻ.ഡി.പി പറവൂർ യൂണിയൻ പ്രസിഡന്റ് സി.എൻ. രാധാകൃഷ്ണൻ അദ്ധ്യക്ഷത വഹിക്കും.

ആലുവ അദ്വൈതാശ്രമം സെക്രട്ടറി സ്വാമി ധർമ്മചൈതന്യ അനുഗ്രഹ പ്രഭാഷണം നടത്തും. വിദ്യാർത്ഥികൾക്കുള്ള എന്റോവ്മെന്റ് വിതരണം ഹൈസ്കൂൾ വിഭാഗം യൂണിയൻ വൈസ് പ്രസിഡന്റ് ഷൈജു മനയ്ക്കപ്പടിയും യു.പി. വിഭാഗം പി.ടി.എ പ്രസിഡന്റ് കെ.ബി. സുഭാഷും നിർവഹിക്കും. യോഗം ഇൻസ്പെക്ടിംഗ് ഓഫീസർ ഡി. ബാബു, യോഗംഡയറക്ടർ ബോർഡ് അംഗം പി.എസ്. ജയരാജ്, നഗരസഭാ വാർഡ് കൗൺസിലർ ഷൈനി രാധാകൃഷ്ണൻ, യൂണിയൻ കൗൺസിലർമാരായ ഡി. പ്രസന്നകുമാർ, വി.എൻ. നാഗേഷ്, വി.പി. ഷാജി, ടി.എം. ദിലീപ്, കണ്ണൻ കൂട്ടുകാട്, ടി.പി. കൃഷ്ണൻ, സ്കൂൾ സ്റ്റാഫ് സെക്രട്ടറിമാരായ കെ.വി. സാഹി, പി. മോഹൻകുമാർ എന്നിവർ ആശംസകൾ അർപ്പിക്കും. ഹെഡ്മാസ്റ്റർ സി.കെ. ബിജു സ്വാഗതവും പ്രിൻസിപ്പൽ വി. ബിന്ദു നന്ദിയും പറയും.