മൂവാറ്റുപുഴ: ഭവനരഹിതരായ മറ്റു പിന്നാക്ക വിഭാഗത്തിൽ (ഒ.ബി.സി) ഉൾപ്പെട്ടവർക്ക് വേണ്ടി കേരള സംസ്ഥാന പിന്നാക്ക വിഭാഗ വികസന കോർപ്പറേഷൻ ഭവനനിർമ്മാണ വായ്പക്ക് അപേക്ഷ ക്ഷണിച്ചു. ഒ.ബി.സി. വിഭാഗത്തിൽപ്പെട്ട കുടുംബവാർഷിക വരുമാനം 1,20,000/- രൂപയിൽ കുറവുള്ളവർക്ക് 6.5% പലിശ നിരക്കിൽ പരമാവധി അഞ്ച് ലക്ഷം രൂപ വരെയും കുടുംബ വാർഷിക വരുമാനം 1,20,000 മുതൽ മൂന്ന് ലക്ഷത്തിൽ താഴെ വരെയുള്ളവർക്ക് 7% പലിശ നിരക്കിൽ 10 ലക്ഷം രൂപ വരെയും അനുവദിക്കും. ഗ്രാമപ്രദേശങ്ങളിൽ ആറ് സെന്റിൽ കുറയാതെയും നഗരപ്രദേശങ്ങളിൽ അ‍‍ഞ്ച് സെന്റിൽ കുറയാതെയും വീട് നിർമ്മാണത്തിന് അനുയോജ്യമായ സ്ഥലം അപേക്ഷന്റെയോ സഹഅപേക്ഷകന്റെയോ പേരിൽ ഉണ്ടായിരിക്കണം. വസ്തുവിന്റെ വിപണിവിലയുടെ 80% വരെയാണ് വായ്പ അനുവദിക്കുക. വിപണി വില കുറവാണെങ്കിൽ ഉദ്യോഗസ്ഥജാമ്യമോ വസ്തു ജാമ്യമോ ഹാജരാക്കാവുന്നതാണ്. അപേക്ഷകന്റെ പ്രായം 18 നും 55 നം ഇടയിൽ ആയിരിക്കണം. 15 വർഷം വരെ തിരിച്ചടവ് കാലാവധി അനുവദിക്കുന്നതാണ്. വായ്പാ അപേക്ഷാ ഫോം മൂവാറ്റുപുഴ- തൊടുപുഴ റോഡിൽ പ്രൈവറ്റ് ബസ് സ്റ്റാൻഡിന് സമീപത്തെ കെ.എസ്.ബി.സി.ഡി.സി മൂവാറ്റുപുഴ ഉപജില്ലാ ഓഫീസിൽ നിന്നും ലഭിക്കുന്നതാണ്. കൂടുതൽ വിവരങ്ങൾക്ക് ഫോൺ: 0485 - 2964005.