നെടുമ്പാശേരി: വീട്ടമ്മ 13 നില ഫ്ളാറ്റിന്റെ ആറാംനിലയിൽനിന്ന് ചാടിമരിച്ചു. ചെങ്ങമനാട് പഞ്ചായത്ത് 15 -ാം വാർഡിൽ കിഴക്കേദേശം എസ്.എഫ്.എസ് ഫ്ളാറ്റിൽ താമസിക്കുന്ന ഫോർട്ടുകൊച്ചി കുന്നുംപുറം പള്ളംവീട്ടിൽ മെൽബോയ് സേവ്യറിന്റെ ഭാര്യ സിമിയാണ് (47) മരിച്ചത്. ഇന്നലെ പുലർച്ചെ മൂന്ന് മണിയോടെയായിരുന്നു സംഭവം. ശബ്ദംകേട്ടെത്തിയ സെക്യൂരിറ്റി ജീവനക്കാരനാണ് സ്ത്രീ നിലത്ത് വീണുകിടക്കുന്നതായി ആദ്യം കണ്ടത്. ഉടൻ ദേശം സി.എ ആശുപത്രിയിൽ എത്തിച്ചെങ്കിലും അപ്പോഴേക്കും മരിച്ചിരുന്നു. സംഭവം നടക്കുമ്പോൾ സിമിയുടെ ഭർത്താവും മൂന്ന് പെൺമക്കളും ഫ്ളാറ്റിൽ ഉറക്കത്തിലായിരുന്നു. മരണകാരണം വ്യക്തമല്ല. ആലുവ ജില്ലാ ആശുപത്രിയിൽ പോസ്റ്റ്മാർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുകൊടുത്തു. ഇന്ന് ഫോർട്ടുകൊച്ചി വെളി സാന്റാക്രൂസ് പള്ളി സെമിത്തേരിയിൽ സംസ്കരിക്കും.