മൂവാറ്റുപുഴ: ഈസ്റ്റ് വാഴപ്പള്ളി പീപ്പിൾസ് ലൈബ്രറിയുടെ കീഴിലെ ബാലവേദിയുടെ ആഭിമുഖ്യത്തിൽ കുട്ടികൾക്കായി ഏകദിന പഠന ക്യാമ്പ് സംഘടിപ്പിച്ചു. ലൈബ്രറി കമ്മിറ്റി അംഗം സിജു വളവിൽ പതാക ഉയർത്തി. ബാലസാഹിത്യകാരിയും പേഴക്കാപ്പിള്ളി ഹയർ സെക്കൻഡറി സ്കൂൾ അദ്ധ്യാപികയുമായ തസ്മിം ഷിഹാബ് ഉദ്ഘാടനം ചെയ്തു. ലൈബ്രറി പ്രസിഡന്റ് ജേക്കബ് കുര്യൻ അദ്ധ്യക്ഷത വഹിച്ചു. സംസ്ഥാന അദ്ധ്യാപക അവാർഡ് ജേതാവ് കെ.എം. നൗഫൽ ക്ലാസ് നയിച്ചു. ലൈബ്രറി സെക്രട്ടറി സമദ് മുടവന, പി.എ.അബ്ദുൽ സമദ്, മോഹിഷ അഭിലാഷ്, ലിസി ജോളി, രസ്ന അസ്ലം എന്നിവർ സംസാരിച്ചു. ബാലവേദി ഭാരവാഹികളായി ഫൈഗ അസ്ലം (പ്രസിഡന്റ് ) ഗൗതം കൃഷ്ണ (സെക്രട്ടറി ) എന്നിവരെ തിരഞ്ഞെടുത്തു.