കുറുപ്പംപടി: സംസ്ഥാന സർക്കാരിന്റെ "എന്റെ സംരംഭം നാടിന്റെ അഭിമാനം" പദ്ധതിയുടെ ഭാഗമായി വേങ്ങൂർ പഞ്ചായത്തിൽ ഹെൽപ്പ് ഡെസ്‌ക് ആരംഭിച്ചു. പഞ്ചായത്തിൽ സംരംഭങ്ങൾ തുടങ്ങുന്നവർക്ക് സഹായങ്ങളും നിർദ്ദേശങ്ങളും നൽകുന്നതിനാണ് ഹെൽപ്പ് ഡെസ്‌ക്.

പഞ്ചായത്ത് പ്രസിഡന്റ് ശിൽപ്പ സുധീഷ് ഉദ്ഘാടനം നിർവഹിച്ചു. വൈസ് പ്രസിഡന്റ് പി.സി. കൃഷ്ണൻകുട്ടി അദ്ധ്യക്ഷത വഹിച്ചു. ജില്ലാ പഞ്ചായത്ത് അംഗം ഷൈമി വർഗീസ്, ബ്ലോക്ക് പഞ്ചായത്ത് അംഗങ്ങളായ പി.ആർ. നാരായണൻ നായർ, ഡെയ്സി ജെയിംസ്, വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ശ്രീജ ഷിജോ, ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ബിജു പീറ്റർ, ആരോഗ്യ,വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ ഷീബ ചാക്കപ്പൻ, അസിസ്റ്റന്റ് സെക്രട്ടറി എൻ.എ. സുരേഷ്, പഞ്ചായത്ത് അംഗങ്ങളായ ആൻസി ജോബി, ടി. ബിജു, ബേസിൽ കല്ലറക്കൽ, ശോഭന വിജയകുമാർ, ബൈജു പോൾ, പി.വി.പീറ്റർ, ജിനു ബിജു, കെ.എസ്. ശശികല, വിനു സാഗർ, വ്യവസായ വകുപ്പ് ഇന്റേൺ രാകേഷ് എന്നിവർ സംസാരിച്ചു.