കുറുപ്പംപടി: മുടക്കുഴ സർവീസ് സഹകരണ ബാങ്കിൽ അന്താരാഷ്ട്ര സഹകരണദിനാഘോഷം നടത്തി. പഞ്ചായത്ത് പ്രസിഡന്റ് പി.പി. അവറാച്ചൻ സഹകരണ സന്ദേശം നൽകി. ബാങ്ക് പ്രസിഡന്റ് ജോഷി തോമസ് അദ്ധ്യക്ഷത വഹിച്ചു. വൈസ് പ്രസിഡന്റ് എൻ.പി.രാജീവ്, ഭരണസമിതി അംഗങ്ങളായ പോൾകെ. പോൾ, പി.ഒ.ബെന്നി, സെക്രട്ടറി മേഴ്സിപോൾ, അസി.സെക്രട്ടറി എം.ഐ. ഏലിയാമ്മ, ബ്രാഞ്ച് മാനേജർ ബിന്ദു അനിൽ എന്നിവർ സംസാരിച്ചു.