പുക്കാട്ടുപടി: വള്ളത്തോൾ സ്മാരക വായനശാല വായനാ പക്ഷാചരണത്തിന്റെ ഭാഗമായി ചിറവക്കാട് ഉദയം ആർട്‌സ് ആൻഡ് സ്‌പോർട്‌സ് ക്ലബിന്റെ സഹകരണത്തോടെ നാടാകെ വായനക്കൂട്ടം പരിപാടി നടത്തി.

മലബാർ ഗ്രന്ഥശാല പ്രസ്ഥാനത്തിന്റെ സ്ഥാപക നേതാവ് കെ. ദാമോദരനെ ചടങ്ങിൽ അനുസ്‌മരിച്ചു. ഇൻഫർമേഷൻ സെക്യൂരിറ്റി വിദഗ്ദ്ധൻ തോമസ് കുര്യൻ അമ്പാട്ട് കുട്ടികളുമായി സംവദിച്ചു. മരിയ റെജി, എബൻ, എബിൻ, ജിയാ എൽദോ, ആൽവിൻ എന്നിവർ പുസ്തകപാരായണം നടത്തി. ക്ലബ് പ്രസിഡന്റ് രജി ജേക്കബ്, സെക്രട്ടറി എം.ആർ. ജയൻ, രക്ഷാധികാരി കെ.സി. ജോയ്, വായനശാല പ്രസിഡന്റ് ജേക്കബ് സി. മാത്യു, സെക്രട്ടറി കെ.എം. മഹേഷ് എന്നിവർ സംസാരിച്ചു.