കൊച്ചി: സംസ്കൃത പണ്ഡിതൻ വി. രാഘവന്റെ സംസ്കൃതം വേദാന്തവിഷയ സംബന്ധിയായ ഗ്രന്ഥശേഖരം മകളും അമൃത ഇൻസ്റ്റിറ്റ്യൂട്ട് ഒഫ് മെഡിക്കൽ സയൻസിലെ പീഡിയാട്രിക് ജനറിക് വിഭാഗം പ്രൊഫസറുമായ ഡോ. ഷീലാ നമ്പൂതിരി ശ്രീശങ്കരാചാര്യ സംസ്കൃത സർവ്വകലാശാലയ്ക്ക് കൈമാറി. പ്രോ വൈസ് ചാൻസലർ ഡോ. കെ. മുത്തുലക്ഷ്മി ഗ്രന്ഥശേഖരം ഏറ്റുവാങ്ങി. സംസ്കൃതം വേദാന്ത വിഭാഗം മേധാവിയും പ്രൊഫസറുമായ ഡോ. എം. എസ്. മുരളീധരൻപിളള അദ്ധ്യക്ഷനായിരുന്നു. പ്രോ വൈസ് ചാൻസലറായി നിയമിതയായ ഡോ. കെ. മുത്തുലക്ഷ്മിയെ ചടങ്ങിൽ അനുമോദിച്ചു. സർവ്വകലാശാലയുടെ സംസ്കൃതം വേദാന്ത വിഭാഗം ഡീൻ ഡോ. എസ്. ഗീതാമണി അമ്മ, ഡോ. വി. വസന്തകുമാരി, ഡോ. എസ്. ഷീബ എന്നിവർ പ്രസംഗിച്ചു. ഗ്രന്ഥശേഖരം സർവ്വകലാശാലയുടെ കാലടി മുഖ്യകേന്ദ്രത്തിലെ സംസ്കൃതം വേദാന്തവിഭാഗം ലൈബ്രറിയിലാണ് സൂക്ഷിക്കുന്നത്.