പെരുമ്പാവൂർ: എം.ഡി.എം.എയും കഞ്ചാവും വീട്ടിൽ സൂക്ഷിച്ച യുവാവ് പിടിയിൽ. പെരുമ്പാവൂർ അറയ്ക്കപ്പടി വെസ്റ്റ് വെങ്ങോല കൊള്ളിമോളം വീട്ടിൽ അതുലാണ് (25) പിടിയിലായത്. ഇയാളിൽ നിന്നും 660 മില്ലിഗ്രാം എം.ഡി.എം.എയും 40 ഗ്രാം കഞ്ചാവും കണ്ടെടുത്തു. ജില്ലാ പൊലീസ് മേധാവി കെ. കാർത്തിക്കിന് ലഭിച്ച രഹസ്യ വിവരത്തെ തുടർന്ന് ഡാൻസാഫ് ടീമും പെരുമ്പാവൂർ പൊലീസും പ്രതിയുടെ വീട്ടിൽ നടത്തിയ പരിശോധനയിലാണ് മയക്കുമരുന്ന് പിടികൂടിയത്. ഇൻസ്‌പെക്ടർ ആർ.രഞ്ജിത്ത്, എസ്.ഐ മാരായ റിൻസ് എം. തോമസ്, ജോസി എം. ജോൺസൻ, ലില്ലി, എ.എസ്.ഐ അനിൽ പി. വർഗിസ്, സി.പി.ഒ നാദിർഷ എന്നിവരടങ്ങിയ സംഘമാണ് പ്രതിയെ പിടികൂടിയത്.