മൂവാറ്റുപുഴ: എസ്.എസ്.എൽ.സി, പ്ലസ്ടു പരീക്ഷകളിൽ മുഴുവൻ വിഷയങ്ങൾക്കും എ പ്ലസ് നേടിയ വിദ്യാർത്ഥികൾക്കുള്ള ചെയർമാൻ അവാർഡ് വിതരണവും സൗജന്യ അഭിരുചി പരിശോധനയും കരിയർ ഗൈഡൻസ് ക്ലാസും നാളെ രാവിലെ പത്ത് മണിക്ക് മൂവാറ്റുപുഴ മുനിസിപ്പൽ ടൗൺ ഹാളിൽ നടക്കും. ടൂറിസം ഡയറക്ടർ പി.ബി.നൂഹ് ഉദ്ഘാടനം ചെയ്യും. നഗരസഭാ ചെയർമാൻ പി.പി.എൽദോസ് അദ്ധ്യക്ഷത വഹിക്കും. അഭിരുചി പരിശോധനയിലും കരിയർ ഗൈഡൻസ് ക്ലാസിലും പഞ്ചായത്ത് പ്രദേശങ്ങളിലെ വിദ്യാലയങ്ങളിൽ പഠിക്കുന്നവർക്കും പങ്കെടുക്കാം. നഗരസഭാ വൈസ് ചെയർപേഴ്സൺ സിനി ബിജു, സ്റ്റാൻഡിംഗ് കമ്മിറ്റി ചെയർമാന്മാരായ അജി മുണ്ടോട്ട്, രാജശ്രീ രാജു, പി.എം. അബ്ദുൽ സലാം, ജോസ് കുര്യാക്കോസ്, നിസ അഷ്റഫ്, പ്രതിപക്ഷ നേതാവ് ആർ.രാകേഷ്, വാർഡ് കൗൺസിലർ ബിന്ദു സുരേഷ് തുടങ്ങിയവർ പ്രസംഗിക്കും.