പെരുമ്പാവൂർ: ഗുരുദേവഭക്തനും കലാസംസ്‌കാരിക വിദ്യാഭ്യാസ രംഗങ്ങളിലെ നിറസാന്നിദ്ധ്യവുമായിരുന്ന പെരുമ്പാവൂർ മുതുകാട്ട് എം.കെ. വിശ്വനാഥൻ മാസ്റ്റർ (84) നിര്യാതനായി. ഒക്കൽ ശ്രീനാരായണ ഹൈസ്‌കൂൾ ഹെഡ്മാസ്റ്റർ, കടയിരുപ്പ് എൻജിനിയറിംഗ് കോളേജ് സ്ഥാപക സെക്രട്ടറി, പെരുമ്പാവൂർ ടൗൺ എസ്.എൻ.ഡി പി ശാഖായോഗം പ്രസിഡന്റ്, പെരുമ്പാവൂർ ഫാസ് ഭരണസമിതി അംഗം, പ്രൈവറ്റ് സ്‌കൂൾ ഹെഡ് മാസ്റ്റേഴ്‌സ് അസോസിയേഷൻ ജില്ലാ പ്രസിഡന്റ്, താന്നിപ്പുഴ അനിതവിദ്യാലയം പ്രിൻസിപ്പൽ, മുതുകാട്ട് ഫാമിലി ട്രസ്റ്റ് പ്രസിഡന്റ് തുടങ്ങിയ നിലകളിൽ സേവനമനുഷ്ഠിച്ചിട്ടുണ്ട്. കെ.പി.എസ്.എച്ച്.എ അദ്ധ്യാപക അവാർഡ്, ശ്രീബുദ്ധ എക്‌സലൻസ് അവാർഡ്, ഗുരുപൂർണിമ പുരസ്‌കാരം, ഗുരുചൈതന്യ പുരസ്‌കാരം തുടങ്ങിയവ ലഭിച്ചിട്ടുണ്ട്. സംസ്‌കാരം ഇന്ന് ഉച്ചയ്ക്ക് രണ്ടിന് ഒക്കൽ എസ്.എൻ.ഡി.പി ശ്മശാനത്തിൽ.
ഭാര്യ: മൈത്രി (റിട്ട. അദ്ധ്യാപിക, പെരുമ്പാവൂർ ഗേൾസ് ഹൈസ്‌കൂൾ). മക്കൾ: ഡോ. ഡലീഷ വിശ്വനാഥൻ (അസോസിയേറ്റ് പ്രൊഫസർ, ഇൻഫർമേഷൻ ടെക്‌നോളജി, കൊച്ചി യൂണിവേഴ്സിറ്റി), ഡോ. അനീഷ വിശ്വനാഥൻ (ദന്തൽ സർജൻ, എൻ.എച്ച്.ആർ.എം തോപ്പുംപടി). മരുമക്കൾ: ഡോ. സുധീഷ് (പ്രിൻസിപ്പൽ, അമൃത ഇൻസ്റ്റിറ്റ്യൂട്ട് ഒഫ് അഗ്രികൾച്ചർ കോയമ്പത്തൂർ, അസോ ആൻഡ് ഓണററി പ്രൊഫസർ, അമൃതവിദ്യാപീഠം ക്യൂൻസ്‌ലാൻഡ് യൂണിവേഴ്സിറ്റി), ഡോ. എസ്. ജയകുമാർ (ദന്തൽ സർജൻ ഡെന്റൽ കെയർ, കടവന്ത്ര).