മൂവാറ്റുപുഴ: സ്വാതന്ത്രസമര സേനാനിയും കേരളത്തിലെ കർഷക പ്രസ്ഥാനത്തിന്റെ സ്ഥാപക നേതാവും കർഷക സംഘത്തിന്റെ ആദ്യ സെക്രട്ടറിയുമായ കെ.എ. കേരളീയൻ അനുസ്മരണം നടത്തി. അഖിലേന്ത്യാ കിസാൻസഭ മൂവാറ്റുപുഴ മണ്ഡലം കമ്മിറ്റിയുടെ ആഭിമുഖ്യത്തിലെ അനുസ്മരണ സമ്മേളനം സി.പി.ഐ മണ്ഡലം സെക്രട്ടറി ജോളി പൊട്ടയ്ക്കൽ ഉദ്ഘാടനം ചെയ്തു. കിസാൻസഭ മണ്ഡലം പ്രസിഡന്റ് വി.എം.തമ്പി അദ്ധ്യക്ഷത വഹിച്ചു. ജോയിന്റ് കൗൺസിൽ മുൻ സംസ്ഥാന കമ്മിറ്റി ചെയർമാൻ ജി.മോട്ടിലാൽ അനുസ്മരണ പ്രഭാഷണം നടത്തി.

സി.പി.ഐ ജില്ലാ കമ്മിറ്റി അംഗം പി.കെ.ബാബുരാജ്, കിസാൻ സഭ സംസ്ഥാന കമ്മിറ്റി അംഗം ടി.എം.ഹാരീസ്, മണ്ഡലം സെക്രട്ടറി പോൾ പൂമറ്റം, സീന ബോസ്, ബിനീഷ് കുമാർ എന്നിവർ സംസാരിച്ചു.