പറവൂർ: മഹാരാജാസ് കോളേജ് മുൻ പ്രിൻസിപ്പലും വാഗ്മിയുമായിരുന്ന പ്രൊഫ. കെ.എൻ. ഭരതൻ അനുസ്മരണ സമ്മേളനം കാലടി സംസ്കൃത സർവകലാശാല വൈസ് ചാൻസലർ ഡോ. എം.വി. നാരായണൻ ഉദ്ഘാടനം ചെയ്തു. ഭരതൻ മാഷ് ഫൗണ്ടേഷന്റെ നേതൃത്വത്തിൽ നടന്ന അനുസ്മരണ സമ്മേളനത്തിൽ ഫൗണ്ടേഷൻ ചെയർമാൻ എസ്. ശർമ്മ അദ്ധ്യക്ഷത വഹിച്ചു. മാദ്ധ്യമ പ്രവർത്തകൻ വി.എൻ. പ്രസന്നൻ, എൻ.എം. പിയേഴ്സൺ, ജില്ലാ പഞ്ചായത്ത് അംഗം എ.എസ്. അനിൽകുമാർ, എം. ജോർജ് വർക്കി, സി.എ. രാജീവ്, അഡ്വ. ശ്രീറാം ഭരതൻ എന്നിവർ സംസാരിച്ചു.