കോലഞ്ചേരി: സി.പി.ഐ കുന്നത്തുനാട് മണ്ഡലം സമ്മേളനത്തിൽ ഔദ്യോഗികപക്ഷത്തിന് തിരിച്ചടി. ഔദ്യോഗിക പക്ഷം നിർദ്ദേശിച്ചയാളെ വോട്ടെടുപ്പിലൂടെ പരാജയപ്പെടുത്തി എം.പി. ജോസഫ് മണ്ഡലം സെക്രട്ടറി സ്ഥാനം നിലനിർത്തി.

അസിസ്റ്റന്റ് സെക്രട്ടറി എം.​ടി. തങ്കച്ചനായിരുന്നു ജില്ലാ നേതൃത്വത്തിന്റെ സ്ഥാനാർത്ഥി. സംസ്ഥാന കൗൺസിൽ അംഗം ബാബുപോളാണ് പേര് നിർദ്ദേശിച്ചത്. എന്നാൽ നിലവിലെ സെക്രട്ടറി തുടരണമെന്ന നിർദ്ദേശം മണ്ഡലം കമ്മി​റ്റി അംഗം പ്രൊഫ. ജോർജ് കെ.ഐസക്ക് മുന്നിൽവച്ചു. മത്സരത്തിന് തയാറാണെന്ന് എം.പി.ജോസഫ് അറിയിച്ചതോടെ വോട്ടെടുപ്പായി. എട്ടിനെതിരെ 12 വോട്ടുകൾ നേടി എം.പി.ജോസഫ് സെക്രട്ടറി സ്ഥാനം നിലനിർത്തുകയും ചെയ്തു. അതേസമയം, സമ്മേളനത്തിൽ വ്യാപക വെട്ടിനിരത്തൽ നടന്നുവെന്ന ആക്ഷേപം പ്രവർത്തകർക്കിടയിൽ ഉയരുന്നുണ്ട്.