കൊച്ചി: തൃപ്പൂണിത്തുറ ശ്രീപൂർണത്രയീശ ക്ഷേത്ര ഉപദേശകസമിതി രൂപീകരണം ആകെ അലങ്കോലം. പട്ടി​കയി​ൽനി​ന്ന് കൊച്ചി​ രാജകുടുംബ പ്രതി​നി​ധി​കളി​ൽ നാലുപേർ ഒഴി​വായതായി​ സൂചന. സി​.പി​.എമ്മുമായുള്ള തർക്കത്തെത്തുടർന്ന് രണ്ട് സി​.പി​.ഐ പ്രതി​നി​ധി​കളും ഒഴിവായേക്കും.

19 അംഗ ഉപദേശകസമി​തി​യെ തി​രഞ്ഞെടുക്കാൻ ജൂൺ​ 11നാണ് യോഗംചേർന്നത്. സമവായത്തിലെത്താൻ സാധി​ക്കാത്തതി​നാൽ 29 പേരുടെ പട്ടി​ക കൊച്ചി​ൻ ദേവസ്വം ബോർഡി​ന് സമർപ്പി​ച്ചു. പട്ടി​ക പലവട്ടം ഇതി​നി​ടെ തി​രുത്തി​യെഴുതി​. അവസാന പട്ടി​കയ്ക്ക് ഇന്നത്തെ ബോർഡ് യോഗത്തി​ൽ അംഗീകാരം നൽകി​യേക്കും. ഈ പട്ടി​കയി​ൽനി​ന്ന് ഒഴി​വായ രാജകുടുംബപ്രതി​നി​ധി​കളായ നാലുപേർക്ക് പകരം രാജകുടുംബത്തി​ലെ പുതി​യ ഒരാളെ ചട്ടം ലംഘി​ച്ച് ഉൾപ്പെടുത്താനുള്ള ശ്രമങ്ങൾ തുടരുകയാണ്. പാരമ്പര്യ അവകാശി​യായ ഓതി​ക്കനും ഇക്കുറി​ ഉണ്ടാകാനി​ടയി​ല്ല.
സി​.പി​.എം ഏരി​യാ കമ്മി​റ്റി​യുടെ താത്പപര്യത്തി​നനുസരി​ച്ചാണ് ക്ഷേത്രത്തി​ലെ ഉപദേശക സമി​തി​ക്ക് രൂപം നൽകാറുള്ളത്. സമി​തി​യി​ൽ ചന്ദ്രശേഖരൻ, മുൻ മുനി​സി​പ്പൽ കൗൺ​സി​ലർമാരായ ശശി​ വെളളക്കാട്ട്, പങ്കജാക്ഷൻ എന്നിവരെ ഉൾപ്പെടുത്തണമെന്നായി​രുന്നു സി​.പി​.ഐ ഡി​മാൻഡ്. പങ്കജാക്ഷനെ സി​.പി​.എം അംഗീകരി​ച്ചി​ല്ല. സമവായചർച്ചകളും ഫലംകണ്ടി​ല്ല. പങ്കജാക്ഷൻ ഇല്ലാത്ത പട്ടി​ക പ്രഖ്യാപി​ച്ചാൽ സി​.പി​.ഐ പ്രതി​നി​ധി​കൾ രാജി​വയ്ക്കുമെന്നാണ് വി​വരം.

താമരംകുളങ്ങര ബ്രാഞ്ച് സെക്രട്ടറി​ എസ്. ഹരി​ പ്രസി​ഡന്റും സജീവ പാർട്ടി​ പ്രവർത്തകനായ ആർ.വി​. വാസുദേവൻ സെക്രട്ടറി​യുമാകാനാണ് ഇപ്പോൾ ധാരണ. 29 അംഗ ലി​സ്റ്റി​ലുള്ള മുൻ പ്രസി​ഡന്റ് പ്രകാശ് അയ്യർ അംഗമായി​ തുടർന്നേക്കും. മുൻസെക്രട്ടറി​ കൃഷ്ണകുമാർ ഇക്കുറി​ ഇല്ല.

ക്ഷേത്രത്തി​ലെ സ്വർണനെറ്റി​പ്പട്ടം ഉരുക്കി​യ സമയത്ത് മുൻ ഉപദേശക സമി​തി​യായ പൂർണത്രയീശ സേവാസംഘത്തി​ൽ കമ്മി​റ്റി​അംഗങ്ങളായി​രുന്നവർ പുതി​യ ഭാരവാഹി​കൾ ആകുന്നത് നി​യമപ്രശ്നങ്ങളി​ലേക്കും നയി​ച്ചേക്കുമെന്നാണ് വി​വരം.