പറവൂർ: എസ്.എൻ.ഡി.പി യോഗം വടക്കുംപുറം ശാഖയിൽ നിർമ്മിച്ച ഗുരുമണ്ഡപത്തിൽ ശ്രീനാരായണ ഗുരുദേവ വിഗ്രഹ പ്രതിഷ്ഠയും വെള്ളാപ്പള്ളി നടേശൻ രജതജൂബിലി പ്രാർത്ഥന മന്ദിര സമർപ്പണവും നാളെ നടക്കും. രാവിലെ ആറിന് സുമേഷ് ശാന്തിയുടെ മുഖ്യകാർമ്മികത്വത്തിൽ ശാന്തിഹോമം, കലശപൂജ. 7.45ന് ഗുരുദേവ വിഗ്രഹ പ്രതിഷ്ഠാകർമ്മം ആലുവ അദ്വൈതാശ്രമം സെക്രട്ടറി സ്വാമി ധർമ്മ ചൈതന്യയും വെള്ളാപ്പള്ളി നടേശൻ രജതജൂബിലി പ്രാർത്ഥനാ മന്ദിര സമർപ്പണം പറവൂർ യൂണിയൻ സെക്രട്ടറി ഹരി വിജയൻ നിർവഹിക്കും.

രാവിലെ 9.30ന് പൊതുസമ്മേളനം യൂണിയൻ സെക്രട്ടറി ഹരി വിജയൻ ഉദ്ഘാടനം ചെയ്യും. ശാഖാ വൈസ് പ്രസിഡന്റ് സി.എ. ഷൈൻ അദ്ധ്യക്ഷത വഹിക്കും. യൂണിയൻ പ്രസിഡന്റ് സി.എൻ. രാധാകൃഷ്ണൻ അനുഗ്രഹ പ്രഭാഷണം നടത്തും. ഗുരുദേവ വിഗ്രഹം ശിൽപി ബെന്നി ആർ. പണിക്കർ, ഗുരുമണ്ഡപത്തിന് സ്ഥലം സമർപ്പിച്ച സുജാത ബേബി, ഗുരുമന്ദിരം രൂപകൽപ്പന ചെയ്ത സജീവ് ജെ. വാവക്കാട് എന്നിവരെ യൂണിയൻ പ്രസിഡന്റ് ആദരിക്കും.

പ്രതാപൻ ചേന്ദമംഗലം മുഖ്യപ്രഭാഷണം നടത്തും. യൂണിയൻ വൈസ് പ്രസിഡന്റ് ഷൈജു മനയ്ക്കപ്പടി, ശാഖാ പ്രസിഡന്റ് ടി.കെ. രവീന്ദ്രൻ, ട്രഷറർ കെ.എൻ. തമ്പി, ജില്ലാ പഞ്ചായത്ത് അംഗം എ.എസ്. അനിൽകുമാർ, ചേന്ദമംഗലം ഗ്രാമപഞ്ചായത്ത് വൈസ് പ്രസിഡന്റ് ബെന്നി ജോസഫ്, എസ്.എൻ.ഡി.പി മേഖലാ കൺവീനർ കെ.ബി. സുഭാഷ്, ഈഴവേദയ സംഘം സെക്രട്ടറി സി.പി. സുകുമാരൻ, യൂണിയൻ വനിതാസംഘം സെക്രട്ടറി ബിന്ദു ബോസ്, യൂണിയൻ കൗൺസിലർ കണ്ണൻ കൂട്ടുകാട്, ബീന ശിവാനന്ദൻ, ഷീന ഷിജു, പ്രജിത്ത് പി. അശോക് എന്നിവർ സംസാരിക്കും. ശാഖാ സെക്രട്ടറി ബി. രാധാകൃഷ്ണൻ സ്വാഗതവും യൂണിയൻ കമ്മിറ്റി അംഗം എൻ.എസ്. ഉണ്ണിക്കൃഷ്ണൻ നന്ദിയും പറയും. തുടർന്ന് അനുലാലും സംഘവും അവതരിപ്പിക്കുന്ന സംഗീതാവിഷ്കാരം.