കോലഞ്ചേരി: കടയിരുപ്പ് റെസിഡന്റ്സ് അസോസിയേഷൻ ഒമ്പതാംവാർഷികം വടവുകോട് ബ്ലോക്ക് പഞ്ചായത്ത് മുൻ വൈസ് പ്രസിഡന്റ് ബിനീഷ് പുല്യാട്ടേൽ ഉദ്ഘാടനം ചെയ്തു. പ്രസിഡന്റ് കെ.എം. എൽദോ അദ്ധ്യക്ഷനായി. നടപ്പുവർഷത്തെ ചാരി​റ്റി പ്രവർത്തനങ്ങൾ ഐക്കരനാട് ബാങ്ക് പ്രസിഡന്റ് കെ.എം. മോഹനൻനായർ ഉദ്ഘാടനം ചെയ്തു. കടയിരുപ്പ് ഗവ. ഹയർസെക്കൻഡറി സ്‌കൂൾ ബസിൽ യാത്ര ചെയ്യുന്ന നിർദ്ധന വിദ്യാർത്ഥികൾക്കായുള്ള സഹായപദ്ധതി പി.ടി.എ പ്രസിഡന്റ് എം.കെ. മനോജ് ഏ​റ്റുവാങ്ങി. ആശാ വർക്കർമാർക്കുള്ള ഉപഹാരം എം.സി. പൗലോസ് വിതരണംചെയ്തു.