കൊച്ചി​: തീവ്രവാദ പ്രവർത്തനങ്ങൾക്ക് നേതൃത്വംനൽകുന്ന പോപ്പുലർ ഫ്രണ്ട് ഒഫ് ഇന്ത്യയെയും എസ്.ഡി.പി.ഐയും നിരോധിക്കാനുള്ള നടപടികൾ കേന്ദ്ര, സംസ്ഥാന സർക്കാരുകൾ കൈക്കൊള്ളണമെന്ന് വിശ്വഹിന്ദു പരിഷത്ത് കേരളഘടകം ആവശ്യപ്പെട്ടു. കേരളത്തിലെ എല്ലാ രാഷ്ട്രീയ, പരിസ്ഥിതി സംഘടനകളിലും ഐ.എസിന്റെ സ്ലീപ്പർസെല്ലുകൾ ഉണ്ടെന്ന് അറി​യി​ച്ചി​ട്ടും നടപടികൾ കൈക്കൊണ്ടതായി അറിവില്ല. സംസ്ഥാനത്തി​ന്റെ സാമ്പത്തികമേഖലയിൽ സമാന്തര ശക്തിയായി തീവ്രവാദിശക്തികൾ മാറി​. ആഹാരം, വസ്ത്രം തുടങ്ങിയ കാര്യങ്ങളി​ലും ഇവരുടെ കടന്നുകയറ്റം പ്രബലമാണെന്ന് പ്രമേയത്തി​ൽ പറയുന്നു.