കൊച്ചി: ശങ്കരാചാര്യ സംസ്‌കൃത സർവകലാശാലയിലെ ഈ അക്കാഡമിക് വർഷത്തെ വിവിധ പി.ജി പ്രോഗ്രാമുകളിലെ പ്രവേശനത്തിന് യോഗ്യരായവരും സെന്റർ ഓപ്ഷൻ നൽകിയവരും ഇതുവരെയും പ്രവേശനത്തിന് അലോട്ട്‌മെന്റ് ലഭിക്കാത്തവരുമായ വിദ്യാർത്ഥികൾ പ്രവേശനം നേടണം. വെബ്‌സൈറ്റിൽ പ്രസിദ്ധീകരിച്ച പ്രകാരം ഓപ്ഷൻ നൽകിയ വകുപ്പ് / സെന്ററുകളിലെ ഒഴിവുകളിലെ പ്രവേശനത്തിന് നാളെ ഉച്ചയ്ക്ക് 12ന് മുമ്പായി ബന്ധപ്പെട്ട വകുപ്പ് മേധാവി/കാമ്പസ് ഡയറക്ടറുടെ മുമ്പിൽ അസൽരേഖകൾ സഹിതം നേരിട്ട് ഹാജരായി യോഗ്യതയുടെ അടിസ്ഥാനത്തിൽ പ്രവേശനം നേടണമെന്ന് അധികൃതർ അറിയിച്ചു.