വൈപ്പിൻ: എം.എൽ.എ.യുടെ സമഗ്ര വിദ്യാഭ്യാസ പദ്ധതിയുടെ ഭാഗമായി മണ്ഡലത്തിൽ നിന്ന് എസ്.എസ്.എൽ.സി.ക്കും പ്ലസ്ടുവിനും മുഴുവൻ വിഷയങ്ങൾക്കും എ പ്ലസ് കരസ്ഥമാക്കിയ വിദ്യാർത്ഥികളെ ഇന്ന് ആദരിക്കും. ഓച്ചന്തുരുത്ത് സർവീസ് സഹകരണ ബാങ്ക് ഹാളിൽ രാവിലെ ഒൻപതിന് സ്പീക്കർ എം.ബി.രാജേഷ് പുരസ്കാരദാന ചടങ്ങ് ഉദ്ഘാടനം ചെയ്യും. അവാർഡുകളും അദ്ദേഹം വിതരണം ചെയ്യും.
കെ.എൻ. ഉണ്ണിക്കൃഷ്ണൻ എം.എൽ.എ അദ്ധ്യക്ഷത വഹിക്കും. ആതുര ശുശ്രൂഷ രംഗത്ത് ആറു പതിറ്റാണ്ടായി കർമ്മനിരതനായ ഡോ. എം.കെ. കരുണാകരനെ ചടങ്ങിൽ ആദരിക്കും. റോട്ടറി ഡിസ്ട്രിക്ട് ഗവർണർ എസ്. രാജ്‌മോഹൻ നായർ മുഖ്യാതിഥിയാകും.വരാപ്പുഴ അതിരൂപത ഡയറക്ടർ ഫാ. മാർട്ടിൻ തൈപ്പറമ്പിൽ വിശിഷ്ടാതിഥിയാകും. ഡോ.പൂർണിമ നാരായണൻ, രാജഗോപാലൻ നായർ, ഡോ.എം.ആർ.എ പിള്ള, നോബി, എ.പി.പ്രിനിൽ, അഡ്വ. സുനിൽ ഹരീന്ദ്രൻ, ഒ.കെ.കൃഷ്ണകുമാർ, ആൽബി കളരിക്കൽ, എൻ.എസ്.സൂരജ് എന്നിവർ പ്രസംഗിക്കും.