കളമശേരി:മന്ത്രി പി.രാജീവിന്റെ നേതൃത്വത്തിൽ മണ്ഡലത്തിൽ നടപ്പിലാക്കുന്ന സമഗ്ര കായികവികസന പദ്ധതിയുടെ ഏലൂർ നഗരസഭാ സംഘാടക സമിതി രൂപീകരിച്ചു. നഗരസഭാ ചെയർമാൻ എ.ഡി.സുജിൽ യോഗം ഉദ്ഘാടനം ചെയ്തു.

വൈസ് ചെയർമാൻ ലീല ബാബു അദ്ധ്യക്ഷത വഹിച്ചു. കൗൺസിലർമാരായ പി.എ.ഷെറിഫ്, പി.എം.അയൂബ്, എസ്. ഷാജി,​ സെക്രട്ടറി പി.കെ.സുഭാഷ്, ജില്ലാ യൂത്ത് കോ ഓർഡിനേറ്റർ എ.ആർ.രഞ്ജിത്ത്,​ കെ.ഗോപകുമാർ, ചന്ദ്രികാ രാജൻ എന്നിവർ സംസാരിച്ചു. സംഘാടക സമിതി ചെയർമാനായി എ.ഡി.സുജിൽ,​ സെക്രട്ടറിയായി പി.എ.ഷെറീഫ്, കോ ഓർഡിനേറ്ററായി കെ.എൻ.സതീശൻ, കൺവീനറായി സോണി തോമസ്,​ ടെക്നിക്കൽ കമ്മിറ്റി കൺവീനറായി പി.ബി. ഗോപിനാഥ് എന്നിവരെ തിരഞ്ഞെടുത്തു.