തൃക്കാക്കര: യുവാവിനെ കുത്തി പരിക്കേൽപ്പിച്ച കേസിലെ പ്രതി പിടിയിൽ. ഇടപ്പളളി മരോട്ടിച്ചുവട് കണ്ടത്തിക്കര വീട്ടിൽ അമൽ (29) ആണ് പിടിയിലായത്.

ശനിയാഴ്ച വൈകീട്ട് ആറരയോടെ ചിറ്റേത്തുകരയിൽ വച്ച് ഇടറോഡിലൂടെ അമിത വേഗത്തിൽ പ്രതി ഓടിച്ചുവന്ന ഓട്ടോ യുവാക്കൾ സഞ്ചരിച്ചിരുന്ന കാറിൽ ഇടിക്കാൻ വന്നതി​നെത്തുടർന്ന് ചെറിയ തർക്കം ഉണ്ടാവുകയുമായിരുന്നു. പിന്നീട് കാറിനെ പിന്തുടർന്ന് തടഞ്ഞിനിർത്തുകയും അസഭ്യം പറയുകയും കൈയ്യി​ൽ കരുതിയിരുന്ന കത്രിക കൊണ്ട് കാർ ഓടിച്ചിരുന്ന ഏരൂർ സ്വദേശി കിരൺകുമാറിനെ കുത്തുകയായിരുന്നു. യുവാവിന്റെ ഇടത് നെഞ്ചിനും.വലത് മുതുകിനും ഇടത് നെറ്റിക്കും പരിക്കുണ്ട്. യുവാവ് ആശുപത്രിയിൽ ചികിത്സയിലാണ്.ഇൻഫോപാർക്ക് സി.ഐ ബിബിൻദാസിന്റെ നേതൃത്വത്തിൽ പിടികൂടിയ പ്രതിയെ റി​മാൻഡ് ചെയ്തു