പറവൂർ: പറവൂത്തറ കുമാരമംഗലം ആശാൻ സ്മാരക വായനശാലയുടെ നേതൃത്വത്തിൽ കുമാരനാശാന്റെ ചണ്ഡാലഭിക്ഷുകിയുടെ നൂറാം വാർഷികാഘോഷം നടത്തി. എസ്.എൻ.ഡി.പി പറവൂർ യൂണിയൻ സെക്രട്ടറി ഹരി വിജയൻ ഉദ്ഘാടനം ചെയ്തു. വനിതാവേദി പ്രസിഡന്റ് ഷീല തങ്കൻ അദ്ധ്യക്ഷത വഹിച്ചു. താലൂക്ക് ലൈബ്രറി കൗൺസിൽ എക്സിക്യൂട്ടീവ് അംഗം ബെന്നി ജോസഫ് മുഖ്യപ്രഭാഷണം നടത്തി. വായനശാലാ സെക്രട്ടറി കെ.വി. ജിനൻ, ജോയിന്റ് സെക്രട്ടറി ഗീത ഗോപിനാഥ് എന്നിവർ സംസാരിച്ചു.