മൂവാറ്റുപുഴ: പൊലീസുദ്യോഗസ്ഥരെ ആക്രമിച്ച് ഔദ്യോഗിക കൃത്യനിർവഹണം തടസ്സപ്പെടുത്തിയ കേസിൽ യുവാവ് അറസ്റ്റിലായി. ഈസ്റ്റ് മാറാടി പുള്ളോർ കുടിയിൽവീട്ടിൽ വിഷ്ണു വിജയനെയാണ് (26) കല്ലൂർക്കാട് പൊലീസ് അറസ്റ്റുചെയ്തത്. കഴിഞ്ഞ 24ന് ആണ് സംഭവം. കല്ലൂർക്കാട് കടുക്കാഞ്ചിറ ഭാഗത്ത് ഇയാൾ ബഹളമുണ്ടാക്കിയതിനെത്തുടർന്ന് അറസ്റ്റ് ചെയ്യാനെത്തിയ പൊലീസുദ്യോഗസ്ഥരെയാണ് ആക്രമിച്ചത്. എസ്.ഐ അബൂബക്കർ സിദ്ദിക്ക്, അനിൽകുമാർ എന്നിവർക്കാണ് പരിക്കേറ്റത്. പ്രതിയെ അറസ്റ്റുചെയ്ത സംഘത്തിൽ സബ് ഇൻസ്പെക്ടർ ടി.കെ. മനോജ്, എ.എസ്.ഐ എഡിസൺ മാത്യു, എസ്.സി.പി.ഒ എം.എൻ. ബിനു, സി.പി.ഒമാരായ ജിൻസൺ, സാന്റു, ബോബി എന്നിവരുണ്ടായിരുന്നു. കോടതിയിൽ ഹാജരാക്കി റിമാൻഡ് ചെയ്തു.