കോതമംഗലം: ചെറുവട്ടൂരിൽ നിന്നും പഴയ ടയറുകളും ട്യൂബുകളും മോഷ്ടിച്ച രണ്ട് പേർ കോതമംഗലം പൊലീസി​ന്റെ പിടിയിലായി. തൊടുപുഴ വെങ്ങല്ലൂർ സ്വദേശിയായിരുന്ന ഇപ്പോൾ മുവാറ്റുപുഴ വെള്ളൂർക്കുന്നം കാവുംകര ചേനക്കരക്കുന്നേൽ വീട്ടിൽനിബുൻ (അപ്പു 34) ഇടുക്കി കുമാരമംഗലം പുതുച്ചിറ വയംമ്പാടത്ത് വീട്ടിൽ നജീം (40) എന്നിവരെയാണ് അറസ്റ്റ് ചെയ്തത്. വിവിധ വാഹനങ്ങളുടെ നൂറ്റിപ്പത്തോളം ടയറുകളും ട്യൂബുകളുമാണ് മോഷ്ടിച്ചത്. നിബുൻ വിവിധ സ്റ്റേഷനുകളിലായി പതിനഞ്ചോളം കേസുകളിൽ പ്രതിയാണ്. തൊടുപുഴ, മുവാറ്റുപുഴ സ്റ്റേഷനുകളിൽ ഉള്ള കേസുകളിൽ ഇവർ പിടികിട്ടാപ്പുള്ളികളാണ് എസ് എച്ച് ഒ അനീഷ് ജോയിയുടെ നേതൃത്വത്തിലുള്ള സംഘമാണ് പ്രതികളെ പിടികൂടിയത്.