കൊച്ചി: മാഹാത്മാഗാന്ധി കോളേജ് ഒഫ് മാസ് കമ്മ്യൂണിക്കേഷന്റെ (മാഗ് കോം) ആഭിമുഖ്യത്തിൽ നടത്തുന്ന മാദ്ധ്യമ സെമിനാർ ഇന്ന്. യുനെസ്‌കോയുടെ ജേർണലിസം എഡ്യുക്കേഷൻ സീരീസിനെ അടിസ്ഥാനമാക്കി ജേർണലിസം ഫേക്ക് ന്യൂസ് ആൻഡ് ഡിസിൻഫർമേഷൻ എന്ന വിഷയത്തിലാണ് സെമിനാർ.

ഉച്ചകഴിഞ്ഞ് 2.30ന് ബി.എം.എസ് ലേബർ സ്റ്റഡീസ് ആൻഡ് റിസർച്ച് സെന്ററിൽ നടക്കുന്ന സെമിനാർ മുൻ എം.പി അഡ്വ. സെബാസ്റ്റ്യൻ പോൾ ഉദ്ഘാടനം ചെയ്യും. മുതിർന്ന മാദ്ധ്യമ പ്രവർത്തകൻ പി. സുജാതൻ, സ്‌പോർട്‌സ് കമന്റേറ്റർ ഷൈജു ദാമോദരൻ, എറണാകുളം പ്രസ് ക്ലബ് പ്രസിഡന്റ് എം.ആർ.ഹരികുമാർ, കേസരി വാരിക മുഖ്യപത്രാധിപർ ഡോ.എൻ.ആർ. മധു എന്നിവർ പ്രസംഗിക്കും. മാഗ്‌കോം ഡയറക്ടർ എ.കെ.അനുരാജ് വിഷയാവതരണം നടത്തും.