കൊച്ചി: മാദ്ധ്യമപ്രവർത്തകൻ കെ.എം. ബഷീറിനെ കാറിടിച്ച് കൊലപ്പെടുത്തിയ കേസിൽ കോടതി വിചാരണ നേരിടുന്ന ശ്രീറാം വെങ്കിട്ടരാമനെ ആലപ്പുഴ ജില്ലാ കളക്ടറായി നിയമിച്ചതിൽ കേരള പത്രപ്രവർത്തക യൂണിയൻ എറണാകുളം ജില്ലാ കമ്മിറ്റി പ്രതിഷേധ പ്രകടനവും യോഗവും നടത്തി. യോഗത്തിൽ കെ.യു.ഡബ്ല്യു.ജെ ജില്ലാ പ്രസിഡന്റ് എം.ആർ. ഹരികുമാർ, സെക്രട്ടറി എം. സൂഫി മുഹമ്മദ്, വൈസ് പ്രസിഡന്റ് ജിജീഷ് ടി.കെ, സിറാജ് ബ്യൂറോ ചീഫ് സാജു എന്നിവർ സംസാരിച്ചു.