ചെറുതോണി: സീനിയർ സിറ്റിസൺസ് ഫ്രണ്ട്‌സ് വെൽഫെയർ അസോസിയേഷൻ ചെറുതോണി യൂണിറ്റിന്റെ ആഭിമുഖ്യത്തിൽ സംഘടനയുടെ സ്ഥാപക ദിനാചരണത്തോടനുബന്ധിച്ച് ശനിയാഴ്ച്ച വയോജനങ്ങൾക്ക് ആരോഗ്യപരിശീലനക്ലാസും, മെഡിക്കൽ ക്യാമ്പും പാറേമാവ് ആയുർവേദാശുപത്രി ഹാളിൽ നടത്തും.. ജില്ലാ പഞ്ചായത്ത് പ്രസിഡന്റ് ജിജി കെ.ഫിലിപ്പ് ഉദ്ഘാടനം ചെയ്യും. ജില്ലാപഞ്ചായത്തംഗങ്ങളായ കെ.ജി.സത്യൻ, ഡിറ്റാജ് ജോസഫ്, റ്റി.ഇ.നൗഷാദ്, എസ്.സി.എഫ്.ഡബ്ലിയു.എ. ഭാരവാഹികളായ കെ.ആർ.ജനാർദ്ദനൻ, ഡോ. പി.സി.രവീന്ദ്രനാഥ്, സി.എം.തങ്കരാജൻ തുടങ്ങിയവർ പങ്കെടുക്കും. ഡോക്ടർമാരായ കെ.ആർ.സുരേഷ്, നിതീഷ്, ആനന്ദ് തുടങ്ങിയവർ നേതൃത്വം നൽകുന്ന ക്യാമ്പിൽ കോവിഡിനുശേഷം തുടർരോഗികളായവരും ജീവിതശൈലി രോഗബാധിതരുമായ വയോജനങ്ങൾ പങ്കെടുക്കണമെന്ന് എസ്.സി.എഫ്.ഡബ്ലിയു.എ. കമ്മറ്റി അഭ്യർത്ഥിച്ചു.