തൊടുപുഴ:കേരളാസ്റ്റേറ്റ് സർവീസ് പെൻഷനേഴ്‌സ് യൂണിയൻ ജില്ലാക്കമ്മിറ്റിയുടെ നേതൃത്വത്തിൽ ബുധനാഴ്ച തൊടുപുഴയിൽ മാർച്ചും ധർണ്ണയും നടത്തും.ജനവിരുദ്ധ നയങ്ങൾ തിരുത്തുക, വിലക്കയറ്റം തടയുക,പങ്കാളിത്ത പെൻഷൻ പദ്ധതി ഉപേക്ഷിക്കുക, പി.എഫ്.ആർ.ഡി.എ നിയമം പിൻവലിക്കുക, പെൻഷൻ പരിഷ്‌കരണ ക്ഷാമാശ്വാസ കുടിശികകൾ ഉടൻ അനുവദിയ്ക്കുക, പൊതുമേഖലാ സ്ഥാപനങ്ങൾ സംരക്ഷിക്കുക, തുടങ്ങിയ ആവിശ്യങ്ങൾ ഉന്നയിച്ചുകൊണ്ട് നടത്തുന്ന മാർച്ച് പെൻഷൻ ഭവനിൽ നിന്ന് ആരംഭിച്ച് മുനിസിപ്പൽ മൈതാനത്ത് എത്തിച്ചേരുമ്പോൾ നടക്കുന്ന ധർണ്ണ സംസ്ഥാന ജനറൽ സെക്രട്ടറി ആർ.രഘുനാഥൻ നായർ ഉദ്ഘാടനം ചെയ്യും . ജില്ലാ പ്രസിഡന്റ് കെ.കെ.സുകുമാരൻ അദ്ധ്യക്ഷനാകും.റ്റി. ചെല്ലപ്പൻ, എം.ജെ. മേരി, എ.എൻ.ചന്ദ്രബാബു എന്നിവർ പ്രസംഗിക്കും.