കണ്ണൂർ: കണ്ണൂർ സർവകലാശാല 2021-22 വർഷത്തെ യൂണിയൻ ഉദ്ഘാടനം ഇന്ന് യൂണിവേഴ്‌സിറ്റി ആസ്ഥാനത്ത് ചെറുശേരി ഓഡിറ്റോറിയത്തിൽ നടക്കും. സി.പി.എം പോളിറ്റ് ബ്യൂറോ അംഗം വൃന്ദ കാരാട്ട് ഉദ്ഘാടനം ചെയ്യുമെന്ന് ഭാരവാഹികൾ വാർത്താ സമ്മേളനത്തിൽ പറഞ്ഞു. പി .സന്തോഷ് കുമാർ എം.പി, വൈസ് ചാൻസലർ ഗോപിനാഥ് രവീന്ദ്രൻ എന്നിവർ പങ്കെടുക്കും.യൂണിവേഴ്‌സിറ്റി രജത ജൂബിലി ആഘോഷത്തിന്റെ ഭാഗമായി എല്ലാ ഡിപാർട്ട്‌മെന്റ് കാമ്പസുകളിലും പൂർവ വിദ്യാർത്ഥി സംഗമങ്ങൾ സംഘടിപ്പിക്കും. യൂണിവേഴ്‌സിറ്റി യൂണിയന്റെ നേതൃത്വത്തിൽ തിയേറ്റർ ഗ്രൂപ്പ് മ്യൂസിക് ബാന്റ് സംഘടിപ്പിക്കും. മുൻ ധാരണ പ്രകാരം കലോത്സവം കണ്ണൂർ ജില്ലയിലെ പ്രധാനപ്പെട്ട ക്യാമ്പസുകളിലൊന്നിലും. കലാ ജാഥ കാസർകോഡ് ജില്ലയിലും നടക്കും. വാർത്താ സമ്മേളനത്തിൽ യൂണിയൻ ചെയർമാൻ കെ. സാരംഗ്, ജനറൽ സെക്രട്ടറി എ. അശ്വതി എന്നിവർ സംബന്ധിച്ചു.