കണ്ണൂർ : സ്വർണ്ണക്കടത്ത് കേസിൽ ആരോപണവിധേയനായ മുഖ്യമന്ത്രിക്കെതിരെ വിമാനത്തിൽ മുദ്രാവാക്യം വിളിച്ച യൂത്ത് കോൺഗ്രസ് പ്രവർത്തകരെ ക്രൂരമായി മർദ്ദിച്ച എൽ.ഡി.എഫ് കൺവീനർ ഇ.പി.ജയരാജനെതിരെ കേസെടുക്കില്ലെന്ന സർക്കാർ നിലപാടിനെതിരെ കോടതിയെ സമീപിക്കുമെന്ന് കെ.പി.സി.സി പ്രസിഡന്റ് കെ.സുധാകരൻ പറഞ്ഞു.

ഭരണഘടനാ വിരുദ്ധ പ്രസ്താവന നടത്തിയ സജി ചെറിയാൻ എം.എൽ.എ സ്ഥാനവും രാജി വയ്ക്കണം. സജി ചെറിയാൻ നടത്തിയത് ഗുരുതരമായ ചട്ടലംഘനമാണ്. മന്ത്രി പദവി രാജി വയ്ക്കുന്ന സമയത്ത് പോലും ഭരണഘടനാ വിരുദ്ധ പ്രസംഗത്തിൽ ഖേദം പ്രകടിപ്പിക്കാൻ അദ്ദേഹം തയ്യാറായില്ലെന്നും സുധാകരൻ പറഞ്ഞു.