പുല്ലൂർ: എസ്.എസ്.എൽ.സി പരീക്ഷയിൽ 100% വിജയം നേടിയ ഉദയനഗർ ഹൈസ്കൂളിലെ മുഴുവൻ വിദ്യാർത്ഥികളെയും സി.എച്ച്. കുഞ്ഞമ്പു എം.എൽ.എ ഉപഹാരം നൽകി അനുമോദിച്ചു. പുല്ലൂർ പെരിയ ഗ്രാമ പഞ്ചായത്ത് പ്രസിഡന്റ് സി.കെ അരവിന്ദന്റെ അദ്ധ്യക്ഷതയിൽ നടന്ന ചടങ്ങിൽ വികസനകാര്യ സ്റ്റാൻഡിംഗ് കമ്മിറ്റി ചെയർമാൻ ചന്ദ്രൻ കരിച്ചേരി, വി. നാരായണൻ, പി. പരമേശ്വരൻ, കെ.എ സന്തോഷ് കുമാർ, ഫാദർ പീറ്റർ പാറേക്കാട്ടിൽ, നാരായണൻ മാടിക്കൽ, കെ. ബിന്ദു തുടങ്ങിയവർ സംസാരിച്ചു. വി. രാമകൃഷ്ണൻ സ്വാഗതവും ഹെഡ്മാസ്റ്റർ പി.പി. ജോസ് പ്രകാശ് നന്ദിയും പറഞ്ഞു.