​ക​ണ്ണൂ​ർ​:​ ​കൂ​ത്തു​പ​റ​മ്പ് -കണ്ണൂർ സം​സ്ഥാ​ന​പാ​ത​യി​ൽ​ മൂ​ന്നാം​പാ​ല​ത്ത് നിർമ്മിച്ച പു​തി​യ​ പാ​ല​ത്തിന്റെ​ ഉ​ദ്ഘാ​ട​ന​ത്തി​ന് മു​ൻ​പേ​ വാ​ഹ​ന​ങ്ങ​ളെ കടത്തിവിട്ടത് കടുത്ത ദുരിതം സൃഷ്ടിക്കുന്നു. പാ​ല​ത്തി​ലും​ റോ​ഡി​ലു​മാ​യി​ ഇ​ട്ട​ ക​രി​ങ്ക​ൽ​പൊ​ടി​യാ​ണ് ദു​രി​തം​ വി​ത​യ്ക്കു​ന്ന​ത്.
​ വാ​ഹ​ന​യാ​ത്ര​ക്കാ​രും​ കാ​ൽ​ന​ട​യാ​ത്ര​ക്കാ​രും​ വ്യാ​പാ​രി​ക​ളും​ തൊ​ട്ട​ടു​ത്ത​ വീ​ടു​ക​ളി​ൽ​ താ​മ​സി​ക്കു​ന്ന​വ​രും​ ഒരുപോലെ ദു​രി​ത​ത്തി​ലാ​ണ്. ക​ഴി​ഞ്ഞ​ ഞാ​യ​റാ​ഴ്ച​ മു​ത​ലാ​ണ് പാ​ലം​ പൂ​ർ​ത്തി​യാ​കു​ന്ന​തി​ന് മു​മ്പെ​ ജ​ന​കീ​യ​ പ്ര​തി​ഷേ​ധം ഭയന്ന് വാ​ഹ​ന​ങ്ങ​ൾ​ ക​ട​ത്തി​വി​ട്ടു​ തു​ട​ങ്ങി​യ​ത്. ​ പാ​ല​ത്തി​നി​രു​വ​ശ​വു​മു​ള്ള​ പൊ​ലീ​സ് ചെ​ക്ക് പോ​സ്റ്റും​ നീ​ക്കി​. ഇ​പ്പോ​ൾ​ പാ​ലം​ റോ​ഡി​ലെ​ പാ​ർ​ശ്വ​ഭി​ത്തി​യു​ടെ​ കോ​ൺ​ക്രീ​റ്റ് ന​ട​ക്കു​ക​യാ​ണ്.ഇ​തി​നി​ടെ​യി​ലാ​ണ് വാ​ഹ​ന​ങ്ങ​ൾ​ ക​ട​ന്നു​പോ​കു​ന്ന​ പാ​ല​ത്തി​ലും​ റോ​ഡി​ലും​ ക​രി​ങ്ക​ൽ​പൊ​ടി​ വി​ത​റി​യ​ത്. മ​ഴ​മാ​റി​ നി​ന്ന​തോ​ടെ​യാ​ണ് പൊ​ടി​ശല്യം ക​ടു​ത്തു​തു​ട​ങ്ങി​യ​ത്. പാ​ലം​ റോ​ഡ് അ​തി​വേ​ഗം​ പൂ​ർ​ത്തി​യാ​ക്കി​ ടാ​റിം​ഗ് ന​ട​ത്തി​ പ്ര​ശ്നം​ പ​രി​ഹ​രി​ക്കു​മെ​ന്ന് ക​രാ​റു​കാ​ർ​ പ​റ​യു​ന്നു​ണ്ടെ​ങ്കി​ലും​ ഇ​തി​ന് ഇ​നി​യും​ ആ​ഴ്ച​ക​ൾ​ വേ​ണ്ടി​ വ​രു​മെ​ന്നാ​ണ് സൂ​ച​ന​.

താഴെയിറങ്ങി വ്യാപാരം,

ഇരുട്ടടിയായി പൊടിശല്യം
​ ചെ​റു​വാ​ഹ​ന​ങ്ങ​ളി​ൽ​ സ​ഞ്ച​രി​ക്കു​ന്ന​വ​ർ​ക്കാ​ണ് പൊ​ടി​യു​ടെ​ ശ​ല്യം​ കൂ​ടു​ത​ലാ​യും​ അ​നു​ഭ​വി​ക്കേ​ണ്ടി​വ​രു​ന്ന​ത്. പ​ല​ർ​ക്കും​ അ​ല​ർ​ജി​യും​ ശ്വാ​സം​മു​ട്ട​ലും​ അ​നു​ഭ​വ​പ്പെ​ടു​ന്നു​ണ്ട്. മൂ​ന്നാം​പാ​ലം​ നി​ർ​മ്മി​ച്ച​തോ​ടെ​ പാ​ല​ത്തി​ന​ടി​യി​ലാ​യ​ വ്യാ​പാ​രി​ക​ൾ​ക്ക് മ​റ്റൊ​രു​ ഇ​രു​ട്ട​ടി​യാ​യി​രി​ക്കു​ക​യാ​ണ് പൊ​ടി​ശ​ല്യം​. പ​ല​ർ​ക്കും​ ക​ച്ച​വ​ടം​ നി​ർ​ത്തേ​ണ്ട​ അ​വ​സ്ഥ​യാ​ണ്. തൊ​ട്ട​ടു​ത്ത​ ഹോ​ട്ട​ലു​ക​ളു​ടെ​യും​ അ​നാ​ദി​ക്ക​ട​ക​ളു​ടെ​യും​ സ്ഥി​തി​ ദ​യ​നീ​യ​മാ​ണ്. പാ​ല​ത്തി​ന് സ​മീ​പ​ത്തെ​ മൊ​യ്തു​മെ​മ്മോ​റി​യ​ൽ​ വാ​യ​ന​ശാ​ല​യും​ അ​ട​ച്ചു​പൂ​ട്ടേ​ണ്ട​ അ​വ​സ്ഥ​യി​ലാ​ണ്.

​​
ടാ​റിംഗ് പൂർത്തിയാക്കി പൊ​ടി​ശ​ല്യ​ത്തി​ൽ​ നി​ന്നും​ യാ​ത്ര​ക്കാ​രെ​യും​ വ്യാ​പാ​രി​ക​ളെ​യും​ പ്ര​ദേ​ശ​വാ​സി​ക​ളെ​യും​ര​ക്ഷി​ക്കാ​ൻ​ അ​ധി​കൃ​ത​ർ​ ത​യ്യാ​റാ​ക​ണം​.പു​തി​യ​ പാ​ലം​ തു​റ​ന്നു​കൊ​ടു​ത്ത​പ്പോ​ൾ​ നൂ​റു​ക​ണ​ക്കി​ന് വാ​ഹ​ന​ങ്ങ​ളാ​ണ് ഇ​തി​ലൂ​ടെ​ ക​ട​ന്നു​പോ​കു​ന്ന​ത്. സ്‌​കൂ​ൾ​ ബ​സു​ക​ൾ​,​ ആം​ബു​ല​ൻ​സു​ക​ൾ​ എ​ന്നി​വ​യ്ക്കും പൊടി പ്രശ്നം സൃഷ്ടിക്കുകയാണ്-
​ ഷ​മേ​ജ് പെ​ര​ള​ശേ​രി​ (​ച​ക്ക​ര​ക്ക​ൽ​ കോ​ൺ​ഗ്ര​സ് ബ്‌​ളോ​ക്ക് വൈ​സ് പ്ര​സി​ഡ​ന്റ് )​
​