കോഴിക്കോട്: ജൈവവൈവിധ്യ സംരക്ഷണ രംഗത്തെ മികച്ച പ്രവർത്തനങ്ങൾക്കുള്ള ഈ വർഷത്തെ വനമിത്ര അവാർഡിന് വനം വകുപ്പ് അപേക്ഷ ക്ഷണിച്ചു. 25000 രൂപയും ഫലകവും അടങ്ങുന്നതാണ് അവാർഡ്. അതത് പ്രദേശങ്ങളിൽ സമൂഹ നന്മക്കായി ജൈവവൈവിധ്യം (കാർഷിക ജൈവവൈവിധ്യമടക്കം) നിലനിർത്തുന്നതിന് വൃക്ഷത്തൈകൾ വെച്ചുപിടിപ്പിച്ച് പരിപാലിക്കുന്നവരും കാവ്, കണ്ടൽക്കാടുകൾ, ഔഷധസസ്യങ്ങൾ, കൃഷി തുടങ്ങിയ ജൈവവൈവിധ്യ രംഗങ്ങളിലെ മികവിന് സ്തുത്യർഹവും നിസ്വാർത്ഥവുമായ സംഭാവനകൾ നൽകിയവരുമായ ജില്ലയിലെ വ്യക്തികൾ, വിദ്യാഭ്യാസ സ്ഥാപനങ്ങൾ, സന്നദ്ധ സംഘടനകൾ,തുടങ്ങിയവർക്ക് അപേക്ഷിക്കാം. അപേക്ഷകൾ ജൂലായ് 15 ന് വൈകീട്ട് അഞ്ചിനകം അവാർഡിനുളള അർഹത സാധൂകരിക്കുന്ന കുറിപ്പും വിശദവിവരങ്ങളും ഫോട്ടോകളും സഹിതം കോഴിക്കോട് സോഷ്യൽ ഫോറസ്ട്രി വിഭാഗം അസിസ്റ്റന്റ് ഫോറസ്റ്റ് കൺസർവേറ്റർ (വനശ്രീ), അരക്കിണർ പി.ഒ, മാത്തോട്ടം മുമ്പാകെ സമർപ്പിക്കണം. ഫോൺ: 0495 2416900.