അത്തോളി: കുട്ടികളുടെ സർഗവാസനകളെ മാസികകളാക്കി പ്രസിദ്ധീകരിക്കുകയാണ് ജി.യു.പി.എസ് കക്കഞ്ചേരി.

സ്കൂൾ വിദ്യാരംഗം ക്ലബ്ബിന്റെ ആഭിമുഖ്യത്തിൽ പുറത്തിറക്കുന്ന " നെല്ലിക്ക " യുടെ ജൂൺ ലക്കം ഉള്ളിയേരി ഗ്രാമപഞ്ചായത്ത് സ്ഥിരം സമിതി അദ്ധ്യക്ഷ ചന്ദ്രിക പൂമഠത്തിൽ പ്രകാശനം ചെയ്തു. വായനപോഷണ പരിപാടിയായ അക്ഷരക്കൂട്ടിന്റെ ജൂൺ മാസ വിജയികൾക്ക് നമ്മാനദാനം നൽകി. പി.ടി.എ ജനറൽ ബോഡി,​ സ്കൂൾ പി.ടി.എ പ്രസിഡന്റായി പി.കെ.രാജേഷിനെയും എം.പി.ടി.എ അദ്ധ്യക്ഷയായി അശ്വതിയെയും എസ്.എം.സി അദ്ധ്യക്ഷനായി ഷിനോജ് പി.വിയെയും തെരഞ്ഞെടുത്തു. സി.എം ശശി ,കെ.പി മനോജൻ, എ.കെ.ലിനീഷ് കുമാർ, എം.എം വിനോദൻ, ശാലിനി,സന്ധ്യ എന്നിവർ പ്രസംഗിച്ചു. പ്രധാനാദ്ധ്യാപകൻ അരവിന്ദൻ.സി റിപ്പോർട്ട് അവതരിപ്പിച്ചു. എ.കെ.ബഷീർ നന്ദിയും പറ‍ഞ്ഞു.