ഫറോക്ക്: മദ്രസയിൽ നിന്ന് മടങ്ങവേ സൈക്കിൾ നിയന്ത്രണം വിട്ട് കുളത്തിൽ വീണ് വിദ്യാർത്ഥി മരിച്ചു.

ചെറുവണ്ണൂർ കൊളത്തറ അറക്കൽപ്പാടം അമ്മോത്ത് വീട്ടിൽ മുസാഫിറിന്റെയും സാഹിനയുടെയും

മകൻ മുഹമ്മദ് മിർഷാദ് (13) ആണ് മരിച്ചത്. കൊളത്തറ മദ്രസങ്ങാടി മനീറുൽ ഇസ്ലാം മദ്രസ ഏഴാം ക്ലാസ് വിദ്യാർത്ഥിയാണ്. ഇന്നലെ രാവിലെ പതിനൊന്നരയോടെ സൈക്കിളിൽ പോകുമ്പോൾ വീടിന് സമീപത്തെ വലിയപറമ്പ് കുളത്തിൽ നിയന്ത്രണം വിട്ട് വീഴുകയായിരുന്നു.വൈകിയാണ് പ്രദേശവാസികൾ അറിഞ്ഞത്. നാട്ടുകാർ ചേർന്ന് ആദ്യം കോയാസ് ആശുപത്രിയിലും തുടർന്ന് സ്വകാര്യആശുപത്രിയിലും എത്തിച്ചെങ്കിലും രക്ഷപ്പെടുത്താനായില്ല.കൊളത്തറ ആത്മവിദ്യാസംഘം യു.പി സ്കൂളിലെ ഏഴാം ക്ലാസ് വിദ്യാർത്ഥിയാണ്.സഹോദരങ്ങൾ: ദിൽഷാദ്,ഷിഫാന.