വടകര: എസ്.എസ്.എൽ.സി, പ്സസ്ടു ക്സാസുകളിൽ മുഴുവൻ വിഷയങ്ങളിലും എപ്ലസ് നേടിയ വിദ്യാർത്ഥികളെ വടകര എസ്.എൻ.ഡി.പി യൂണിയൻ അനുമോദിച്ചു. 'വിദ്യയാൽ പ്രബുദ്ധത' എന്ന് പേരിട്ട പരിപാടി ഗുരുദേവ ഓഡിറ്റോറിയത്തിൽ യൂണിയൻ സെക്രട്ടറി പി.എം. രവീന്ദ്രൻ ഉദ്ഘാടനം ചെയ്തു. വൈസ് പ്രസിഡന്റ് കെ.ടി. ഹരിമോഹൻ അദ്ധ്യക്ഷത വഹിച്ചു. ഡയരക്ടർ ബോർഡ് മെമ്പർ ബാബു പൂതം പാറ മുഖ്യ പ്രഭാഷണം നടത്തി .ഡയരക്ടർ ബോർഡ് മെമ്പർ റഷീദ് കക്കട്ട്, 2001-ാം നമ്പർ ശാഖ വൈസ് പ്രസിഡന്റ് മണി ബാബു, പയ്യോളി നാണു എന്നിവർ പ്രസംഗിച്ചു. യൂണിയൻ കൗൺസിലർമാർ ജയേഷ് വടകര, കൃഷ്ണൻ പൂളത്തറ, രജീഷ് മുള്ളമ്പത്ത്, ചന്ദ്രൻ കല്ലാച്ചി, മോഹൻരാജ്, വനിതാ സംഘം പ്രസിഡന്റ് സുഭാഷിണി സുഗുണേഷ്, സെക്രട്ടറി ജ്യോതി രവീന്ദ്രൻ,യൂത്ത്‌ മൂവ്മെന്റ് പ്രസിഡന്റ് ഷൈനിത്ത് അടുക്കത്ത്, സെക്രട്ടറി സുകേഷ് കല്ലാച്ചി, ബാബു എന്നിവർ ചടങ്ങിൽ പങ്കെടുത്തു. കൗൺസിലർ വിനോദൻ സ്വാഗതവും ഡയരക്ടർ ബോർഡ് മെമ്പർ ചന്ദ്രൻ ചാലിൽ നന്ദിയും പറഞ്ഞു.

ഗുരുദേവ ഓഡിറ്റോറിയത്തിൽ നടന്ന ഉന്നത വിജയികൾക്കുള്ള അനുമോദന ചടങ്ങ് വടകര എസ്.എൻ.ഡി.പി യൂണിയൻ സെക്രട്ടറി പി.എം. രവീന്ദ്രൻ ഉദ്ഘാടനം ചെയ്യുന്നു.