പാമ്പാടി. രണ്ട് വർഷമായി കുടിശികയായ എട്ട് ശതമാനം ക്ഷാമബത്ത നിഷേധിക്കുന്ന സർക്കാർ നിലപാട് വഞ്ചനാപരമെന്ന് കേരള എൻ.ജി.ഒ.അസോസിയേഷൻ സംസ്ഥാന വൈസ് പ്രസിഡന്റ് എം.ജെ.തോമസ് ഹെർബിറ്റ് ആരോപിച്ചു. ക്ഷാമബത്ത അനുവദിയ്ക്കണമെന്നാവശ്യപ്പെട്ട് അസോസിയേഷൻ പാമ്പാടി സബ് ട്രഷറിയ്ക്കു മുന്നിൽ നടത്തിയ ക്ഷാമബത്താ ദിനാചരണം ഉദ്ഘാടനം ചെയ്യുകയായിരുന്നു അദ്ദേഹം. പ്രസിഡന്റ് എം.സി.ജോണിക്കുട്ടി അദ്ധ്യക്ഷത വഹിച്ചു. സംസ്ഥാന സെക്രട്ടറി രഞ്ജു കെ.മാത്യു മുഖ്യപ്രഭാഷണം നടത്തി. സംസ്ഥാന സെക്രട്ടേറിയറ്റംഗം സി.വിജയകുമാർ, സെക്രട്ടറി ബിജു എം.കുര്യൻ, സുബിൻ എബ്രഹാം, അശ്വിൻ ആർ , ബിന്ദു കെ.എ, വിജിമോൾ വി.ജി , ജയശ്രീ കെ.ജി എന്നിവർ പ്രസംഗിച്ചു.