വെള്ളാവൂർ: വെള്ളാവൂർ എസ്.എൻ.യു.പി സ്‌കൂളിലെ നവീകരിച്ച കമ്പ്യൂട്ടർ ലാബ്, സയൻസ് ലാബ്, ലൈബ്രറി, ക്ലാസ് മുറികളുടെ ഉദ്ഘാടനം നടന്നു. ചീഫ് വിപ്പ് ഡോ.എൻ.ജയരാജ് സമ്മേളനം ഉദ്ഘാടനം ചെയ്തു. സിനി ആർട്ടിസ്റ്റ് മീനാക്ഷി ഭദ്രദീപപ്രകാശനം നടത്തി. നവീകരിച്ച സയൻസ് ലാബ് ഉദ്ഘാടനം എസ്.എൻ.ഡി.പി യോഗം ചങ്ങനാശേരി യൂണിയൻ പ്രസിഡന്റ് ഗിരീഷ് കോനാട്ട് നിർവഹിച്ചു. യൂണിയൻ സെക്രട്ടറി സുരേഷ് പരമേശ്വരൻ കമ്പ്യൂട്ടർ ലാബ് ഉദ്ഘാടനം ചെയ്തു. ജില്ലാ പഞ്ചായത്തംഗം ഹേമലത പ്രേംസാഗർ ലൈബ്രറി ഉദ്ഘാടനം ചെയ്തു. എസ്.എൻ.യു.പി സ്‌കൂൾ മാനേജർ പി.എം ഷിബുലാൽ അദ്ധ്യക്ഷത വഹിച്ചു. വെള്ളാവൂർ ഗ്രാമപഞ്ചായത്ത് പ്രസിഡന്റ് ടി.എസ് ശ്രീജിത്ത് മുഖ്യപ്രഭാഷണം നടത്തി. യൂണിയൻ വൈസ് പ്രസിഡന്റ് പി.എം ചന്ദ്രൻ സ്‌കോളർഷിപ്പ് ലഭിച്ച വിദ്യാർത്ഥികളെ അനുമോദിച്ചു. ജലജ മോഹൻ, കെ.എസ് ശ്രീജിത്ത്, ആതിര വേണുഗോപാൽ, സന്ധ്യാ റെജി, എം.ആർ രവീന്ദ്രനാഥ്, എം.ഡി പുഷ്പാംഗദൻ, ജൂലി ചാക്കോ, എൻ.നടേശൻ, പി.എം സുഭാഷ്, ഏലിയാമ്മ സെബാസ്റ്റ്യൻ എന്നിവർ പങ്കെടുത്തു. പ്രഥമാദ്ധ്യാപിക കെ.ഉഷാകുമാരി സ്വാഗതവും പി.ടി.എ പ്രസിഡന്റ് എം.ടി അനിൽകുമാർ നന്ദിയും പറഞ്ഞു.