മുണ്ടക്കയം. അ​ടു​ത്ത ത​ല​മു​റക്കെങ്കിലും പട്ടയം ലഭിക്കുമോ‌‌?. ഉ​ട​ൻ ഉ​ട​ൻ എ​ന്ന് സ​ർ​ക്കാ​ർ ആവർത്തിച്ച് പ്ര​ഖ്യാ​പിക്കാൻ തുടങ്ങിയിട്ട് നാളുകളേറെയായിട്ടും ന​ട​പ​ടികളൊന്നും മുന്നോട്ടു നീ​ങ്ങു​ന്നി​ല്ല. കാ​ഞ്ഞി​ര​പ്പ​ള്ളി താ​ലൂ​ക്കി​ൽ കെ​ട്ടി​ക്കി​ട​ക്കു​ന്ന പ​ട്ട​യ അ​പേ​ക്ഷ​ക​ളു​ടെ എ​ണ്ണ​ം നാ​ലാ​യി​ര​ത്തോ​ളം വരും.

ഒ​രി​ക്ക​ൽ കി​ട്ടി​യ പ​ട്ട​യം റ​ദ്ദാ​യ​താ​ണ് പ​മ്പാ​വാ​ലി​ക്കാ​രു​ടെ പ്ര​ശ്നം. കോ​രു​ത്തോ​ട്, മു​ണ്ട​ക്ക​യം പ​ഞ്ചാ​യ​ത്തു​ക​ളി​ലെ നാ​ട്ടു​കാ​ർ​ക്ക് വ​നം​വ​കു​പ്പി​ന്‍റെ എ​തി​ർ​പ്പാ​ണ് ത​ട​സം. അ​തേ​സ​മ​യം, എ​രു​മേ​ലി​യി​ലെ ഇ​രു​മ്പൂ​ന്നി​ക്ക​ര, തു​മ​രം​പാ​റ പ്ര​ദേ​ശ​ങ്ങ​ളി​ൽ റ​വ​ന്യു - വ​നം വ​കു​പ്പു​ക​ളു​ടെ രേ​ഖ​യി​ലെ ഒ​രു പ​ദ​മാ​ണ്. ഹി​ൽ​മെ​ന്‍റ് സെ​റ്റി​ൽ​മെ​ന്‍റ് എ​ന്ന ഈ ​പ​ദം രേ​ഖ​ക​ളി​ൽ​നി​ന്നു നീ​ക്കം ചെ​യ്യാ​തെ പ​ട്ട​യം അ​നു​വ​ദി​ക്കാ​ൻ ക​ഴി​യി​ല്ലെ​ന്നാ​ണ് ഉ​ദ്യോ​ഗ​സ്ഥ​ർ പ​റ​യു​ന്ന​ത്. ഈ കുരുക്കുകളൊന്നും അഴിക്കാൻ സർക്കാർ തലത്തിൽ നടപടികളൊന്നുമുണ്ടാകുന്നുമില്ല.

2019ൽ ​വ​നം മ​ന്ത്രി എ​രു​മേ​ലി​യി​ൽ ന​ട​ത്തി​യ അ​ദാ​ല​ത്തി​ലും പ്രഖ്യാപനങ്ങളുണ്ടായി. എ​ന്നാ​ൽ, നടപടിയുണ്ടായില്ല. ക​ഴി​ഞ്ഞ​യി​ടെ പു​ഞ്ച​വ​യ​ൽ കേ​ന്ദ്രീ​ക​രി​ച്ച് ജനം സ​മ​രം ആ​രം​ഭി​ച്ച​തോ​ടെ വീ​ണ്ടും പ്ര​ഖ്യാ​പ​നം വ​ന്നു. പ​ട്ട​യ ന​ട​പ​ടി​ക്കു വേ​ഗം കൂ​ട്ടാ​ൻ സ്പെ​ഷ​ൽ ഓ​ഫീ​സ് തു​റ​ക്കും!. എ​ന്നാ​ൽ കാ​ര്യ​മാ​യ നീക്കമുണ്ടായില്ല.

പ്ര​ള​യം, കൊ​വി​ഡ് എ​ന്നി​വയുടെ പേരിൽ നടപടികൾ പൂ​ർ​ണ​മാ​യും നി​ല​ച്ച മ​ട്ടാണ്. ഇ​തി​നി​ടെ, പ​മ്പാ​വാ​ലി പ​ട്ട​യ​ങ്ങ​ൾ​ക്ക് കോ​ട​തി നി​ർ​ദേ​ശ​പ്ര​കാ​രം ജി​ല്ലാ ക​ള​ക്ട​ർ അ​നു​മ​തി ന​ൽ​കി​യി​രു​ന്നു. എ​ന്നാ​ൽ, സ​ർ​വേ തു​ട​ങ്ങി​യ​ത​ല്ലാ​തെ കാര്യങ്ങൾ മു​ന്നോ​ട്ടു​പോ​യി​ട്ടി​ല്ല. ആ​വ​ശ്യ​മാ​യ ഉ​ദ്യോ​ഗ​സ്ഥ​രെ ഇ​വി​ടേ​ക്കു നി​യ​മി​ക്കു​ക​യും താ​ത്കാ​ലി​ക ഓ​ഫീ​സി​ന് അ​നു​മ​തി ന​ൽ​കു​ക​യും ചെ​യ്തി​രു​ന്നു. എ​ന്നാ​ൽ, ഇ​പ്പോ​ൾ സ​ർ​വേ​യു​മി​ല്ല, ജീ​വ​ന​ക്കാ​രു​മി​ല്ല, ഓ​ഫീ​സു​മി​ല്ലെ​ന്ന സ്ഥി​തി​യി​ലാ​ണ്.
വ​നം വ​കു​പ്പി​ൽ​നി​ന്ന് നോ ​ഒ​ബ്ജെ​ക്ഷ​ൻ സ​ർ​ട്ടി​ഫി​ക്ക​റ്റ് ല​ഭി​ച്ചാ​ൽ കോ​രു​ത്തോ​ട് ഉ​ൾ​പ്പ​ടെയുള്ള പ്ര​ദേ​ശ​ങ്ങ​ളി​ൽ പ​ട്ട​യ അ​പേ​ക്ഷ​ക​ളി​ൽ മി​ക്ക​തി​നും തീ​ർ​പ്പാ​കു​മെ​ന്നാ​ണ് പ്ര​തീ​ക്ഷ. എ​ന്നാ​ൽ, ന​ട​പ​ടി​ക്ര​മം നീ​ളു​ക​യാ​ണ്.
എ​ന്നാ​ൽ, സ​ർ​ക്കാ​ർ ത​ല​ത്തി​ൽ ഉ​ത്ത​ര​വാ​കാ​തെ ത​ങ്ങ​ൾ​ക്ക് ഒ​ന്നും ചെ​യ്യാ​നാ​വി​ല്ലെ​ന്നാ​ണ് ഉ​ദ്യോ​ഗ​സ്ഥ​രു​ടെ നിലപാട്.

കർഷക കുടുംബങ്ങൾ.

സ്വാ​ത​ന്ത്ര്യം കി​ട്ടി​യ ശേ​ഷം ഇ​ന്ത്യ​യി​ൽ നേ​രി​ട്ട ഭ​ക്ഷ്യ ക്ഷാ​മം പ​രി​ഹ​രി​ക്കാ​ൻ ആ​വി​ഷ്‌​ക​രി​ച്ച ഗ്രോ ​മോ​ർ ഫു​ഡ് പ​ദ്ധ​തി​യു​ടെ ഭാ​ഗ​മാ​യി പ​മ്പാ​വാ​ലി​യി​ൽ സ​ർ​ക്കാ​ർ എ​ത്തി​ച്ച ക​ർ​ഷ​ക​രു​ടെ കു​ടും​ബ​ങ്ങ​ളാ​ണ് പ​ട്ട​യം കി​ട്ടാ​തെ ദു​രി​തത്തിൽ കഴിയുന്ന​ത്. സ​മീ​പ പ​ഞ്ചാ​യ​ത്തു​ക​ളി​ലെ മ​ല​യോ​ര പ്ര​ദേ​ശ​ങ്ങ​ളി​ൽ കു​ടി​യേ​റി പാ​ർ​ത്ത നൂ​റു​ക​ണ​ക്കി​നു കു​ടും​ബ​ങ്ങ​ൾ​ക്കും പ​ട്ട​യം ല​ഭി​ച്ചി​ട്ടി​ല്ല.

പ​ട്ട​യ അ​പേ​ക്ഷ​ക​ളു​ടെ എ​ണ്ണ​ം 4000.

പൊതുപ്രവർത്തകനായ നാരായണൻ പറയുന്നു.

പ​ട്ട​യ ന​ട​പ​ടി​ക​ൾ​ക്കാ​യി പ്ര​ത്യേ​ക​മാ​യി ഓ​ഫീ​സ് അ​നു​വ​ദി​ക്കു​ക​യും ആ​വ​ശ്യ​മാ​യ ജീ​വ​ന​ക്കാ​രെ നി​യോ​ഗി​ക്കു​ക​യും ചെ​യ്യു​മെ​ന്ന പ്ര​ഖ്യാ​പ​നം ന​ട​പ്പി​ലാ​യാ​ൽ അ​പേ​ക്ഷ​ക​ളി​ൽ വേ​ഗം ഉ​ണ്ടാ​കു​മെന്നാണ് പ്രതീക്ഷ.