ചങ്ങനാശേരി : എസ്.എൻ.ഡി.പി യോഗം ചങ്ങനാശേരി യൂണിയന്റെ ആഭിമുഖ്യത്തിൽ എറണാകുളം മുക്തിഭവൻ കൗൺസലിംഗ് സെന്ററിന്റെ സഹകരണത്തോടെ യുവതീ യുവാക്കൾക്കുള്ള വിവാഹപൂർവ കൗൺസലിംഗ് കോഴ്‌സിന്റെ 68-ാമത് ബാച്ച് ഇന്ന് നാളെയും മതുമൂല യൂണിയൻ മന്ദിരഹാളിൽ നടക്കും. യൂണിയൻ പ്രസിഡന്റ് ഗിരീഷ് കോനാട്ട് ഉദ്ഘാടനം നിർവഹിക്കും. യൂണിയൻ സെക്രട്ടറി സുരേഷ് പരമേശ്വരൻ അദ്ധ്യക്ഷത വഹിക്കും. യൂണിയൻ വൈസ് പ്രസിഡന്റ് പി.എം.ചന്ദ്രൻ മുഖ്യപ്രസംഗം നടത്തും. യോഗം ബോർഡ് മെമ്പർ എൻ.നടേശൻ ആശംസ പറയും. യൂണിയൻ കൗൺസിലേഴ്‌സ്, യൂത്ത്മൂവ്‌മെന്റ്, വനിതാസംഘം, സൈബർ സേനാ ഭാരവാഹികൾ എന്നിവർ പങ്കെടുക്കും. കോ-ഓർഡിനേറ്റർ പി.അജയകുമാർ സ്വാഗതവും, യൂണിയൻ കൗൺസിലർ പി.ബി രാജീവ് നന്ദിയും പറയും. വിവിധ വിഷയങ്ങളിൽ ഗ്രെയ്‌സ് ലാൽ, ഡോ.ശരത് ചന്ദ്രൻ, രാജേഷ് പൊന്മല, സരേഷ് പരമേശ്വരൻ, സജീവ് പൂവത്ത് എന്നിവർ ക്ലാസ് നയിക്കും. നാളെ വൈകിട്ട് 4.30 ന് യൂണിയൻ പ്രസിഡന്റ് ഗിരീഷ് കോനാട്ട് സർട്ടിഫിക്കറ്റ് വിതരണം ചെയ്യും. കൗൺസിലർ എസ്.സാലിച്ചൻ നന്ദി പറയും.