തലയോലപ്പറമ്പ് : എസ്.എൻ.ഡി.പി യോഗം കീച്ചേരി-കുലയറ്റിക്കര 1394-ാം നമ്പർ ശാഖയുടെ നേതത്വത്തിൽ നടത്തിയ കരിയർ ഗൈഡൻസ് സെമിനാറും നേതൃത്വ പരിശീലനക്യാമ്പും യൂണിയൻ സെക്രട്ടറി അഡ്വ എസ്.ഡി സുരേഷ് ബാബു ഉദ്ഘാടനം ചെയ്തു. യൂണിയൻ പ്രസിഡന്റ് ഇ.ഡി.പ്രകാശൻ അദ്ധ്യക്ഷത വഹിച്ചു. പഠന പരിശീലന ക്ലാസുകൾക്ക് എം.ജി യൂണിവേഴ്‌സിറ്റി റിസോഴ്‌സ് പേഴ്‌സൺ എസ്.രതീഷ്‌കുമാർ ആലപ്പുഴ നേതൃത്വം നൽകി. ശാഖാ പ്രസിഡന്റ് പി.ഡി.മുരളീധരൻ, സെക്രട്ടറി കെ.എൻ വിശ്വംഭരൻ, വൈസ് പ്രസിഡന്റ് മോഹനൻ എം.കെ, യൂണിയൻ യൂത്ത്മൂവ്‌മെന്റ് സെക്രട്ടറി മനീഷ് എ.എസ് വൈസ് പ്രസിഡന്റ് ഗൗതം സുരേഷ്, യൂത്ത്മൂവ്‌മെന്റ് കേന്ദ്രസമിതി അംഗം റോജിമോൻ.ടി.ആർ, വനിതാസംഘം സെക്രട്ടറി സുജ രമണൻ, യൂത്ത്മൂവ്‌മെന്റ് സെക്രട്ടറി മനോജ്, കെ.എം ഗീരിഷ്, രഞ്ജിത്ത്, ബിജു.കെ.എസ് തുടങ്ങിയവർ നേതൃത്വം നൽകി.