കോട്ടയം: എസ്.എൻ.ഡി.പി യോഗം കോട്ടയം യൂണിയന്റെ ആഭിമുഖ്യത്തിൽ എറണാകുളം മുക്തി ഭവൻ കൗൺസിലിംഗ് സെന്ററിന്റെ സഹകരണത്തോടുകൂടി യുവതീ യുവാക്കൾക്കുള്ള വിവാഹപൂർവ കൗൺസലിംഗ് കോഴ്‌സിന്റെ 117-ാമത് ബാച്ച് 16,17 തീയതികളിൽ ചാന്നാനിക്കാട് ശ്രീനാരായണ പബ്ലിക് സ്‌കൂൾ ഓഡിറ്റോറിയത്തിൽ നടക്കും. യൂണിയൻ പ്രസിഡന്റ് എം.മധു സമ്മേളനം ഉദ്ഘാടനം ചെയ്യും. യൂണിയൻ സെക്രട്ടറി ആർ.രാജീവ് അദ്ധ്യക്ഷത വഹിക്കും. കോഓർഡിനേറ്റർ രാജേഷ് പൊന്മല ആമുഖപ്രസംഗം നടത്തും. പി.ബി ഗിരീഷ് സ്വാഗതവും ഇന്ദിര രാജപ്പൻ നന്ദിയും പറയും. വിവിധ വിഷയങ്ങളിൽ രാജേഷ് പൊന്മല, ഡോ.ശരത് ചന്ദ്രൻ, ബിബിൻ ഷാൻ, വി.എം ശശി, അനൂപ് വൈക്കം എന്നിവർ രണ്ട് ദിവസങ്ങളിലായി ക്ലാസ് നയിക്കും. 17ന് വൈകുന്നേരം നാലിന് സർട്ടിഫിക്കറ്റ് വിതരണം.