പാലാ:കടപ്പാട്ടൂർ മഹാദേവ ക്ഷേത്രത്തിലെ 62ാമത് വിഗ്രഹദർശന ദിനം 14ന് ആഘോഷിക്കുമെന്ന് ക്ഷേത്രം പ്രസിഡന്റ് സി.പി.ചന്ദ്രൻ നായർ അറിയിച്ചു. ധാരാ നാമജപം, മഹാപ്രസാദഊട്ട്, വിഗ്രഹദർശന സമയമായ 2.30ന് വിശേഷാൽ ദീപാരാധന, വൈകിട്ട് ദീപാരാധനയ്ക്ക് ശേഷം പ്രശസ്ത സംഗീതജ്ഞ ദുർഗ്ഗ വിശ്വനാഥ് അവതരിപ്പിക്കുന്ന സംഗീതവിരുന്ന് 'അമൃതതരംഗിണി' എന്നിവയാണ് പ്രധാന പരിപാടികൾ. വ്യാഴാഴ്ച പുലർച്ചെ 4 മുതൽ വിശേഷാൽപൂജകൾ,അഭിഷേകങ്ങൾ, 6മുതൽ ധാരാനാമജപം എന്നിവ നടക്കും.ചടങ്ങുകൾക്ക് തന്ത്രി പറമ്പൂരില്ലത്ത് നീലകണ്ഠൻ നാരയണൻ ഭട്ടതിരിപ്പാട് മുഖ്യ കാർമ്മികത്വം വഹിക്കും. മേൽശാന്തി ജാതവേദൻ നമ്പൂതിരി,അനിൽ നാരായണൻ നമ്പൂതിരി എന്നിവർ സഹകാർമ്മികരാകും. രാവിലെ 9.30 മുതൽ മഹാപ്രസാദമൂട്ട്. പ്രശസ്ത സാമവേദപണ്ഡിതൻ തോട്ടം ശിവകരൻ നമ്പൂതിരി ഭദ്രദീപം തെളിക്കും. കടുംപായസ പ്രസാദവും ഭക്തർക്ക് വിതരണം ചെയ്യുമെന്ന് ദേവസ്വം പ്രസിഡന്റ് സി.പി. ചന്ദ്രൻനായർ, സെക്രട്ടറി എസ്.ഡി.സുരേന്ദ്രൻ നായർ, ഖജാൻജി സാജൻ ജി.ഇടച്ചേരിൽ എന്നിവർ അറിയിച്ചു.